Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊
追帖 打印

[討論] 【劇透注意!】終於睇咗《劇場版咒術迴戰0》( ⊙ ⊙)ง ━シャケ!



[討論] 【劇透注意!】終於睇咗《劇場版咒術迴戰0》( ⊙ ⊙)ง ━シャケ!

[隱藏]
忍咗勁耐終於比我等到香港上映!仲要係朋友請我去睇 ୧(▀̿ ▿ ▀̿  ) −アハハ
果日去圓方,場外放左好多POPs,好多人影相氣氛超~好!
(講緊我都有影,仲要做埋領域展開手勢好中二😂)



入場前係小食部見到D周邊,好吸引好想要隻杯!
不過趕住入場最後都係無買到 🥲

IMG_7502.jpg

-------------------------------------------【 劇透注意!】-------------------------------------------
-------------------------------------------【 劇透注意!】-------------------------------------------
-------------------------------------------【 劇透注意!】-------------------------------------------



https://youtu.be/KyGwMdRUP28

睇完想講下感想(前提我無睇過漫畫):

好多人講呢套係前傳,就算無睇正篇都會明。
但我覺得始終睇過正篇,明白個世界觀,同埋好多梗(例如東堂又趕去睇小高田😆)...
真係要睇過正篇先識笑。

我覺得整體節奏都好快,唔會有悶場,中間一貫作風都係有唔少有笑位。
打鬥感好爽,不過可能我係巨幕睇,眼球有D跟唔上😂

先唔講主角組,前傳都用左好多篇幅去刻畫一年級時既狗卷,真希同熊貓
佢地三個原來係一年級時係超~可~愛!
狗卷講一句就起痰果下笑死🤣🤣🤣┐(  ⊙ ⊙) ━オカカ!
真希依然好型,但比起二年級時火爆好多(劇場版仲要露腿好可口  ୧(▀̿ ◡ ▀̿  ) ✴ )
熊貓....ummm 無咩點變都係咁麻甩

講返主角組,我同朋友驚喜既地方竟然係五條同夏油既感情線(?)
另外朋友都發現左五條係前傳用綁帶包眼,點解一年後變左黑布呢?
而乙骨憂太.... 可能劇場版推進得太快,由一開始小廢廢突然變到好屈,中間好似skip咗好多咁。

其實係香港上映前我都知套戲會有好多金句,尤其乙骨果句「失礼だな〜純愛だよ!」
聽到果下,比我個衝擊都好大 😂 起哂雞皮!

音樂方面唔使我講都知好出色!
一開始出《Greatest Strength》已經令我投入哂。
不過我同朋友都覺得如果高潮位用《一途》做BGM,應該更加正!

對於片尾彩蛋,ま〜 真係要睇過正篇先get到😀


朋友睇完之後,徹底迷上左五條同夏油呢對CP
散場即刻去左抽扭蛋😂 咁啱又比佢抽中左五條同夏油!咁Lucky得唔得架!

IMG_7555 2.JPG

全晚無失望,幾滿足 (。◝‿◜|。)°

回覆 引用 TOP

引用:
原帖由 小見大川 於 2022-5-24 01:10 PM 發表
好想要你隻扭蛋!


係我朋友架!我邊有咁幸運🤣 我頂多抽中七海

回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!


重要聲明:本討論區是以即時上載留言的方式運作,Uwants.com討論區對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Uwants.com討論區有權刪除任何留言及拒絕任何人士上載留言 (刪除前或不會作事先警告及通知 ),同時亦有不刪除留言的權利,如有任何爭議,管理員擁有最終的詮釋權。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright © 2003- Uwants.com All Right Reserved.
版權所有,不得轉載。