Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[討論] 【漫畫導讀】全班一齊被召喚賣豬仔 《身為暗殺者的我明顯比勇者還強》



【漫畫導讀】全班一齊被召喚賣豬仔 《身為暗殺者的我明顯比勇者還強》

[隱藏]
轉生異世界套路唔洗多講,大家都知道十之八九離不開主角開外掛,然後一股熱血衝上腦,打著勇者旗號去討伐魔王之類之類。今次導讀呢套《身為暗殺者的我明顯比勇者還強》雖然都係以被召喚到異世界做展開,不過展開就有別於同類作品一貫嘅套路,因為今次係全班一齊闖蕩異世界,主角唔係眾人推舉嘅勇者,反而係存在感薄弱,隱去身影嘅暗.殺.者!

000 (Copy).jpg

【全班勇闖異世界!】

01 (Copy).jpg

故事一開始就廢話少講,主角高中生織田晶舉班被異世界人族國王召喚,而目的亦都非常明顯,就係希望一眾召喚而嚟嘅勇士可以擊退魔王。

【職業:暗殺者】

02 (Copy).jpg

如同大多數異世界作品,一開始當然係要講金句「狀態.開啟」。一向喺班上存在感薄弱嘅織田晶,獲得一個同自己好匹配嘅職業—暗殺者。

03 (Copy).jpg

至於萬中無一嘅勇者,大多數人都估計會係班上嘅完美型男佐藤司。

【哈利波特式公開狀態】

04 (Copy).jpg

國王安排一眾勇士透過水晶公開自身狀態,以見識諸位大人嘅力量。頭腦派嘅織田晶即時察覺到有唔妥,仲發現自己狀態值遠遠高出所有人!

05 (Copy).jpg

見到勢色唔對,織田晶梗係即刻用LEVEL MAX嘅「氣息隱蔽」匿埋一二邊。反而人氣王佐藤司一臉爽樣衝出去......

06 (Copy).jpg

不出所料,佐藤司被選為勇者,不過奇怪嘅係,數值竟然遠遠低於暗殺者!

【異世界黑暗面】

07 (Copy).jpg

織田晶透過暗殺者技能,察覺到被召喚到異世界一事另有內情,於是偷偷跟蹤國王公主,偷聽到兩人打算利用一班同學......

08 (Copy).jpg

本來可以隱藏氣息,掩人耳目之下將國王殺死,不過前一日仲係學生嘅織田晶,又點會即刻話變就變做暗殺者,繼而令到日後後悔莫及。

【勇者衝出嚟......】

09 (Copy).jpg

被選為勇者嘅佐藤司,第二日即刻跑出嚟呼籲大家一同對抗魔王,既然係人氣王動議,當然即刻引到一班傻豬同學和應。

【與騎士團聯手?】

10 (Copy).jpg

為協助戰士們提升實力,國王特意安排騎士團團長薩蘭為各位同學進行特訓。

11 (Copy).jpg

織田晶想盡量避免接受國王安排嘅一切,打算發動「氣息隱蔽」避開練習,誰不知一山還有一山高,始終逃不過薩蘭嘅法眼......

12 (Copy).jpg

以換取織田晶所在世界嘅情報為條件,薩蘭等價交換教授織田晶如何提升技能。

13 (Copy).jpg

騎士團長原來都深知國王本性,仲似乎想將織田晶納入自己陣營添!

最後到底會係國長對騎士團,定係眾志成城一齊打魔王呢?如果得國王一個反派又似乎冇乜睇頭,畢竟織田晶一開波已經可以暗殺到佢

回覆 引用 TOP

引用:
原帖由 無毒不丈夫 於 2019-1-18 17:05 發表
轉生異世界套路唔洗多講,大家都知道十之八九離不開主角開外掛,然後一股熱血衝上腦,打著勇者旗號去討伐魔王之類之類。今次導讀呢套《身為暗殺者的我明顯比勇者還強》雖然都係以被召喚到異世界做展開,不過展開就有別於同類 ...
殺人容易服眾難,誰會一開始做傻仔的出頭鳥,之後心人追殺咪不值[盾勇者事件在前]。






連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

引用:
原帖由 sddabcjkl08 於 2019-1-18 06:37 PM 發表
殺人容易服眾難,誰會一開始做傻仔的出頭鳥,之後心人追殺咪不值[盾勇者事件在前]。

今次呢套主角一開頭就醒目,唔出風頭匿埋一二邊睇情況




回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!