Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[主機/週邊] 【傳聞】新 PlayStation 轉用「遊戲卡」: 係咪時候放棄用碟?



【傳聞】新 PlayStation 轉用「遊戲卡」: 係咪時候放棄用碟?

[隱藏]


最近開始有下一代 PlayStation 傳聞出現,對上一次有線人透露 PS5 發佈時間表。今次就有外國遊戲媒體發現 Sony Interactive Entertainment (PlayStation) 於南韓靜靜取得一個可疑專利設計...



呢個專利展示一張細細地嘅圓角卡狀物體,專利名稱好直接:「electronic game cartridge / 電子遊戲卡帶」。報導指新 PlayStation 總監 John Kodera 之前於訪問中透露過下一代 PS 將結合手提機元素,之前更有呢個 Sony 專利設計曝光:



所以報導猜測下一代 PlayStation 設計可能會與任天堂 Switch 類似...個人覺得如果 PS5 好似 Switch 咁未必係好事,不過就算係傳統主機設計,放棄光碟轉用遊戲卡可能都唔錯。主要有幾個原因:

1. 慳位
隻碟大,部機又要容納更大嘅光碟機,大大限制機身設計。如果 PS4 係用卡,相信 Slim 版可以再細好多。
隻碟大,遊戲盒又要大。買多幾隻 game,d 盒已經霸唔少位。相比之下 PSV / Switch 個盒都慳位好多。

2. 容量
近年記憶卡容量增長快速,相反 Blu-ray 就似乎比較難再有重大突破,暫時又唔似會再推另一個全新光碟格式 (無論電視 / 電影 / 遊戲都走向下載或串流)。新一代 PS 遊戲畫面肯定會更進一步,所需容量將大大增加。長遠黎講遊戲卡應該比較適合,起碼唔會出現需要中途「換卡」。

3. 老翻
以前大家比較抗拒卡帶,因為光碟方便老翻,當年甚至自己燒碟都得。不過依家 PS 已經好難玩老翻,亦冇乜人會咁做。其實用卡又有乜所謂~

大家又點睇?

 
 

[ 本帖最後由 dante1024 於 2018-11-28 07:27 PM 編輯 ]

回覆 引用 TOP

引用:
原帖由 dante1024 於 2018-11-28 19:06 發表


最近開始有下一代 PlayStation 傳聞出現,對上一次有線人透露 PS5 發佈時間表。今次就有外國遊戲媒體發現 Sony Interactive Entertainment (PlayStation) 於南韓靜靜取得一個可疑專利設計. ...
卡帶優勢體積細讀取時間快,還能追加擴充功能!

妳忘記了一個大盲點,用卡帶生產本高風險更高,加產同叫停都很不方便!
如有心玩嘢如聖龍傳說甘就死得啦。

任記sw為了主機大少用了細容量卡片,結果好多大型資料放不下。
sony要甘出大容量卡計如非外露型像GAMEBOY,日後改善會很麻煩[SW就是一例]。






連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

有咩點睇?
一來又係呢d所謂傳閒。耐唔耐又係度吹咩雲端咩咩咩。
一時吹到唔出主機,依家又係度吹唔出光碟轉出卡帶。
咁究竟係有主機定無主機啊?無主機又何來需要卡帶啊?
垃圾傳媒!毫無營養既「傳聞」。
兩個字講哂:「流料」!

由始至終就係,無論係主機定係光碟都係無可取代!
至少仲係我地呢個年代(仲算活躍既呢一代)既玩家,
在可見既幾年都唔見得有大改變。依家討論黎都無咩意義可言。
到有真正大改變個陣,可能已經係我地既仔女(下一代玩家)既時代。

話無就無啊?又有咩理由會令到消失呢?卡帶既種種缺點,文中全面無視!
真係咁好既話,主機一早轉哂用卡帶啦!
用腦諗下都知,背後仲會牽連到幾多野。
再者,如果PS5(下個世代)會突然唔用光碟轉用卡帶,
Sony係無可能到依家提都唔提下。發少陣夢啦!
講完。

[ 本帖最後由 SIUKUEN 於 2018-11-28 11:14 PM 編輯 ]




回覆 引用 TOP

咁咪變左做Switch咁~降級





回覆 引用 TOP

[隱藏]
引用:
原帖由 SIUKUEN 於 2018-11-28 22:09 發表
有咩點睇?
一來又係呢d所謂傳閒。耐唔耐又係度吹咩雲端咩咩咩。
一時吹到唔出主機,依家又係度吹唔出光碟轉出卡帶。
咁究竟係有主機定無主機啊?無主機又何來需要卡帶啊?
垃圾傳媒!毫無營養既「傳聞」。
兩個字講哂:「流料」 ...
雖然光碟轉卡帶可能性唔高,但妳講sony會主申報時機就有點不現實想法。
近10年來sony明坑玩家用家來保障自己利益都唔只一次,為左清舊貨等情況唔拖到接近完成,都唔公報話玩完啦。
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

慳位可以,但變手提機畫面一定有取捨/過熱





回覆 引用 TOP

引用:
原帖由 SIUKUEN 於 2018-11-28 22:09 發表
有咩點睇?
一來又係呢d所謂傳閒。耐唔耐又係度吹咩雲端咩咩咩。
一時吹到唔出主機,依家又係度吹唔出光碟轉出卡帶。
咁究竟係有主機定無主機啊?無主機又何來需要卡帶啊?
垃圾傳媒!毫無營養既「傳聞」。
兩個字講哂:「流料」 ...


依家乜都係傳, 有D人傳話ps5會用BDXL, 即係128GB的藍光碟, 呢個估計就合理好多.

講真, 周圍咁多傳聞, 如果唔用腦, 又冇相關知識, 真係好易鬧笑話






回覆 引用 TOP

有咩好討論丫,等官方正式宣報先啦,浪費時間



回覆 引用 TOP

哦,官方說這不是高鐵只是動車來,大眾誤會了。

同理官方重來無講過話清舊貨,
整個出街偽連接,是大眾以為可持續發展,
之後官方再說完功了就報停產了。

一切它說算了,官方重來無說過敗興而歸西!

[ 本帖最後由 sddabcjkl08 於 2018-11-29 10:47 AM 編輯 ]
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

[隱藏]
一定Fake啦

整成手提機有冇可能有4K60Fps

冇咪同任一樣過時垃圾機

邊個買咁PS5

回覆 引用 TOP

註冊專利就唔代表D咩既
佢地日日研究唔同野, 用唔用得著都會註冊

回覆 引用 TOP

插槽好易懷!
pui

回覆 引用 TOP

跟據可靠線人消息, SONY 會係世界未日之前, 推出下一代 PS. 而下一代 PS 最大特點, 係要用電



回覆 引用 TOP

引用:
原帖由 getterwing 於 2018-11-29 10:13 AM 發表


依家乜都係傳, 有D人傳話ps5會用BDXL, 即係128GB的藍光碟, 呢個估計就合理好多.

講真, 周圍咁多傳聞, 如果唔用腦, 又冇相關知識, 真係好易鬧笑話

之前吹到下世代就無主機…全部咩雲端已經夠好笑!
心諗,依家既網絡進步到咩程度先?有幾多地方真係可以完全用得到?
以依家既種種消息,幾可肯定下世代都一定係有主機!
所以依家又轉吹轉卡帶,以為可以引人去討論……
啊,唔知幾時輪到將VR既技術水平,吹到可以同「刀劍神域」既水平呢?
係就正啦,以後玩家都可以有多一個世界去生存。(笑)


根本就係無話題搵話題黎講!
真係當所有玩家都係傻架?唔用腦去諗野?
正如版友你所講,有傳話PS5會用BDXL,即係128GB的藍光碟,
呢個估計真係合理好多!亦真係有理據去講得通。係make sence既野!

好似呢個帖,話咩棄用碟而轉用卡帶既論點,
難聽去講,完全係小學雞程度既論點!
仲要只係單方向去講,完全無講自己主張既野既所有缺點。
如果用呢篇野既講法,去參加咩小學既討論比賽或者做咩閱讀報告咩都好,
肯定係唔合格!有無讀過書?全部單向論點,有咩討論價值同說服力?

呢種某些人自己作出黎,再製造到好似傳閒既野,真係討論黎都哂氣。
再現實講句,對於我地玩家黎講,都無話事權,依家傾黎做咩?真係浪費時間!
再者,時代真係即將再變既話,到時大家自然就會知道。

回覆 引用 TOP

[隱藏]
引用:
原帖由 SIUKUEN 於 2018-11-29 15:37 發表

之前吹到下世代就無主機…全部咩雲端已經夠好笑!
心諗,依家既網絡進步到咩程度先?有幾多地方真係可以完全用得到?
以依家既種種消息,幾可肯定下世代都一定係有主機!
所以依家又轉吹轉卡帶,以為可以引人去討論……
啊,唔知幾 ...


全部雲端? 真係膠都費事俾.

冇計, 唔係個個識IT識networking, 可能佢地見自己睇4k youtube好暢順就以為game streaming係同樣咁簡單....又以為全世界network都好似香港咁先進普及同咁平.

回覆 引用 TOP



伸延閱讀
 19 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!