Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[討論] 【三巨頭】漫畫太長反而趕客 JUMP有冇必要打造下套大長篇台柱?



【三巨頭】漫畫太長反而趕客 JUMP有冇必要打造下套大長篇台柱?

[隱藏]
有睇開少年漫對「三巨頭」呢個稱呼應該唔陌生,當年《BLEACH》、《火影忍者》同《ONE PIECE》被譽為《週刊少年JUMP》無堅不摧嘅三台柱,人氣歷久不衰。不過,自前兩套相繼結束後,JUMP近年就一直處於海賊獨擔大旗嘅情況,不過一樣米真係難以養樣人,為咗再次打造盛世,大家覺得JUMP有冇需要擁立新嘅巨頭呢?



如果曾經追過上面三套作品嘅,大概都會知道點解呢三套少年漫會被稱為三巨頭,除咗要有高人氣之外,仲要連載番個十年八年以上,所以作品世界觀不適宜太細太多限制,否則就難以發大嚟講。例如《火影忍者》五火水雷風土五大國多個忍村,《BLEACH》有現世屍魂界虛圈,《ONE PIECE》更加係世界觀之最,東南西北海與偉大航路滿佈島嶼。先不論世界觀有冇Bug或精唔精彩,要做到超長篇連載,故事線長度確係必備要素之一。



其實JUMP而家並唔係缺乏潛力作,比較王道戰鬥向嘅有《我的英雄學院》、《黑色五葉草》,帶少少獵奇嘅《約定的夢幻島》,美食漫畫有《食戟之靈》,每一套人氣都唔錯,但年資上還未夠火候。暫時唔計連載飄忽嘅HUNTER,以體育系代表《排球少年》連載得最耐,由2012年12月號開始,不過距離十年八年都仲有一段時間。



要連載得耐唔係易事,單係鋪排故事伏筆已經要用唔少時間,不過又咁睇,而家嘅JUMP其實有冇需要一套可以戰個十年嘅作品?又或者應該講,JUMP仲孕唔孕育到下一套大長篇作品呢?



JUMP唔止三巨頭出名,仲有另一樣嘢同樣出名,就係腰斬漫畫速度同密度。即使連載個幾年嘅作品,都可以毫不留情一刀斬。不過,要知道想畫長篇連載一定要有大量鋪排同伏筆,所以新一代JUMP嘅作品一係就未解釋完就被斬,一係就選擇唔發大世界觀,最多七八年內一定畫得完。



讀者口味改變又係另一問題,而家呢個時代咩都興速食,舊時幾乎本本漫畫都有冇咁上下連載長度,不過而家似乎更多人鍾意睇中短型連載,一來長篇連載太花時間,例如一個冇睇過《ONE PIECE》嘅讀者由零開始追,大大話話要追番90期,睇到個數字已經令唔少人打退堂鼓,二來長篇連載受多種因素影響,作者身體負擔極大,又或者一陣學咗富奸,個孫出世都唔知睇唔睇到結局......



種種因素相加,「巨頭」到底仲有冇塑造呢?個人覺得其實並不然,有時候見好就停反而更能夠打造出神作,例如眾人公認捧上神枱嘅《鋼之鍊金術師》,一條主線直指到尾一氣呵成,連載九年僅僅108集,已足以被後世供奉,到今時今日都會有人提起鋼鍊有幾神幾神!



個人嚟緊覺得JUMP比起擁立新巨頭,將作品適時完結仲好,有機會令神作誕生,又唔洗令故事過份冗長。不過站起JUMP角度,太快完可能會冇水抽......唔知大家又點睇呢?

回覆 引用 TOP

引用:
原帖由 無毒不丈夫 於 2018-11-23 18:19 發表
有睇開少年漫對「三巨頭」呢個稱呼應該唔陌生,當年《BLEACH》、《火影忍者》同《ONE PIECE》被譽為《週刊少年JUMP》無堅不摧嘅三台柱,人氣歷久不衰。不過,自前兩套相繼結束後,JUMP近年就一直處於海賊獨擔大旗嘅情況,不過 ...
三五七年好了,就算老讀者都甘無長時間等,
除非真的做到超大作故事,才長一點還能接受!






連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

以前我覺得3巨頭係火影op同hunter
死神睇左唔係好多就冇睇




回覆 引用 TOP

其實冇需要大長篇台柱,以日本單一作者嘅連載方式嚟睇,大長篇呢樣野甚至有D過時了。
依家我覺得JUMP應該套套好似暗殺教室咁樣仲好。

更甚係問卷排名制度呢種挑選漫畫去留嘅方式,我覺得呢種方式所能夠孕育嘅優秀作品已經出晒,
或者應該搵下其他挑選漫畫嘅方式,如果JUMP仲想繼續玩落去。

[ 本帖最後由 kmbaby 於 2018-11-24 01:40 AM 編輯 ]






回覆 引用 TOP

[隱藏]
引用:
原帖由 sddabcjkl08 於 2018-11-23 06:45 PM 發表
三五七年好了,就算老讀者都甘無長時間等,
除非真的做到超大作故事,才長一點還能接受!


所以而家寧願睇中長篇

回覆 引用 TOP

引用:
原帖由 cookier 於 2018-11-23 08:33 PM 發表
以前我覺得3巨頭係火影op同hunter
死神睇左唔係好多就冇睇


要講JUMP巨作其實有好多,銀魂都係其中之一
俗稱三巨頭嘅,通常都係呢三套
不過每個人實際心目中嘅「三巨頭」都未必一樣






回覆 引用 TOP

引用:
原帖由 kmbaby 於 2018-11-23 11:15 PM 發表
其實冇需要大長篇台柱,以日本單一作者嘅連載方式嚟睇,大長篇呢樣野甚至有D過時了。
依家我覺得JUMP應該套套好似暗殺教室咁樣仲好。

更甚係問卷排名制度呢種挑選漫畫去留嘅方式,我覺得呢種方式所能夠孕育嘅優秀作品已經 ...


暗殺教室真係算近年JUMP長篇得嚟收尾收得好嘅作品,真係有感動到眼濕
其實一直都覺得JUMP個排名制有啲太過嚴苛






回覆 引用 TOP

太長係咁拖好易好似BLEACH咁樣爛尾。ONE PIECE最近啲劇情都開始亂﹐希望唔好爛落去。。反觀以往神作大多都係三五七年果斷完結﹐好似草莓100%﹐鋼練﹐男兒當入樽﹐龍珠Z (個人覺得現在硬加的龍珠超就變爛尾了﹐不過是滿足了龍珠迷的胃口而已)



回覆 引用 TOP

引用:
原帖由 莫問道 於 2018-11-26 15:19 發表
太長係咁拖好易好似BLEACH咁樣爛尾。ONE PIECE最近啲劇情都開始亂﹐希望唔好爛落去。。反觀以往神作大多都係三五七年果斷完結﹐好似草莓100%﹐鋼練﹐男兒當入樽﹐龍珠Z (個人覺得現在硬加的龍珠超就變爛尾了﹐不過是滿足了龍珠迷 ...


龍珠四十幾期都唔係三五七年.

回覆 引用 TOP

[隱藏]

回覆 引用 TOP

引用:
原帖由 莫問道 於 2018-11-26 15:19 發表
太長係咁拖好易好似BLEACH咁樣爛尾。ONE PIECE最近啲劇情都開始亂﹐希望唔好爛落去。。反觀以往神作大多都係三五七年果斷完結﹐好似草莓100%﹐鋼練﹐男兒當入樽﹐龍珠Z (個人覺得現在硬加的龍珠超就變爛尾了﹐不過是滿足了龍珠迷 ...
題外作品為例,就算拖甘長唔算做爛,都未必有心追。
柯南/武藏/華麗的挑戰......是有辨法寫再落去,但讀者心態轉左就未必再追。

[ 本帖最後由 sddabcjkl08 於 2018-11-27 01:43 PM 編輯 ]
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

回覆 9#  getterwing 的帖子
龍珠Z係長啲: 1985-1995啱啱好十年 =D

回覆 引用 TOP

一套漫畫拖得太長  就容易出事  死神 NARUTO 有版給你們看

現在ONE Piece 都開始有點失控了 尾田開始控制不到劇本的quality了




回覆 引用 TOP

引用:
原帖由 xiaoming1987 於 2018-11-27 15:13 發表
一套漫畫拖得太長  就容易出事  死神 NARUTO 有版給你們看

現在ONE Piece 都開始有點失控了 尾田開始控制不到劇本的quality了
唔開過多新設定就無此問題BUG,餘下方法灌水或拖慢來做。
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

[隱藏]
長你要有內容先得架,好似死神咁,越後邊越水,咪快快翠翠收筆羅,好似海賊王呢d,世界觀咁鬼大,三五七年真係未必搞得曬,不過好在人地長編長有,劇情一路以來都還算有趣

回覆 引用 TOP



伸延閱讀
 24 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!