Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[玩後感] <<Death end re;Quest>>玩後感



<<Death end re;Quest>>玩後感

[隱藏]
呢隻game黎緊下禮拜就出中文版,所以又寫一寫玩後感俾d想玩中文版既人睇下

首先呢隻game我係一出果日即買,4月12號已經出左日版,都係4月中果陣已經白金左,只係而家先寫玩後感

呢隻game我係預左伏既情況下買既,可能預左伏既關係,玩落又覺得還好,無想像中伏,雖然未稱得上好game,但又未到無雙8個地步

--------------------------------------------------------------------------------------------------------------------------

講講隻game,係compile heart整既,呢間廠專整原創RPG,但好多都係一般,畫面就更加唔洗期待,ps2畫面就梗架喇,其代表作係超次元系列,仲有fairy fencer

玩開呢間廠既game都知出名多bug,但呢隻意外地我玩到白金左都未中過bug,睇番日本果邊都真係無乜bug,係個隱藏迷宮容易hang機,其他都無乜大問題bug

玩法就係揀好招再撳確定出招,最多可以揀3招,屬性就唔係d咩風地火水光暗,係日星月3個屬性以包剪揼形式互相剋制,日>星>月>日,所以唔洗記太多屬性既野

另外呢隻game既其中一個特點係戰鬥方式可以改變成其他類型既game,只要戰鬥場地上既bug少過50%就可以改變,例如變成格鬥game,射擊game,puzzle game,etc...其他唔記得喇因為最常用係頭兩個,根本勁到逆天,其他已經唔會考慮用

上面講既戰鬥場地bug其實只係場地上既一d光點,d光點有唔同效果,都係幫助戰鬥既,當然有代價,而每食一個光點,角色就會加污染度,污染度80%就會入glitch mode,其實即係變身,就會全能力上升,仲有有動畫睇既絕招出,而污染度100%就會即死

----------------------------------------------------------------------------------------------------------------------------------

入正題,遊戲故事係標榜99%bad end既game,以為猛料,玩落真係肥田料

不過首先要講既係,唔好見d人設咁就以為讀撚game,入到去睇故事部份其實係恐怖,血腥,獵奇野黎,唔好以為我吹水,雖然做唔到好強烈既feel,但絕對唔係純毒撚飛bra走奶搖兩搖既game,至於故事我都無睇哂,因為文字部份過長係其中一個缺點,真係長到太過份,我都係第一次打RPG打到要skip劇情

另一個缺點係中途有選擇支,揀錯會即刻game over load save,不過唔緊要,選擇支出現既時候可以save,所以影響不大,不過都有幾個位無得save,但缺點唔係呢個,缺點係有好多bad end都係純粹黑畫面,用幾句字加陰森既音樂黎交代咁就算,得幾個bad end係有CG,所以好無feel,佢想整到恐怖血腥架,但又無畫面,或者架仔唔鍾意血腥啦,所以咁,但佢整到咁,不如唔好整,整到到喉唔到肺

-----------------------------------------------------------------------------------------------------------------------------------------

地圖又係威,compile heart既game黎計呢隻d迷宮算大,而且構造都複雜,就第一個迷宮個王城已經幾複雜,好,唔緊要,有地圖就幾複雜都無問題,一打開地圖,黐線!!!幾層map疊埋一齊,你玩我咩,唔同深淺色既,3,4層疊埋一齊,點睇呀大佬?仲要無得淨睇一層,一睇就要睇炒埋一碟既地圖,丫,整果班人又好野喎,整緊果陣唔覺得有問題

另一個問題,前期無耐開始已經可以係迷宮見到d超大型既怪,由於隻game係symbol encount形式入戰鬥,即係掂到隻怪先入戰鬥,你整到隻怪大到個畫面只係見到佢4隻腳,我見到都呆左,第一次見symbol encount形式入戰鬥既game整到d怪咁大,tales of系列都無咁癲啦,仲通常係4腳狗型既怪,因為4腳個面積大d,易掂中,成隻企係d橋上面封路,即係又係度撚化d玩家

到d怪,又整到勁高防高迴避,搞到打d怪仔都要花少少時間,不過放心,無xenoblade 2果d怪仔咁勁,但迴避真係勁,平均5下攻擊裡面有1,2下miss,真係黐線

故事解謎方面,都係搵迷宮入面一d鎖鑰形既道具,聽落容易,實際搵落真係大鑊,因為個道具好細,最慘係有d關個背景做左保護色,真係未必一搵就搵到,雖然對我個人而言無乜影響,但總會有玩家唔夠細心睇唔到

仲有兩個個人唔鍾意既地方係各女角ending太求其,得1張CG加幾句說話咁就完,有7個女角ending,7個都係咁,輕輕帶過就算

仲有個係入左最後迷宮就無得出番黎自由轉移去其他地方,但佢又要出多幾個新迷宮dlc喎,玩野咩?

----------------------------------------------------------------------------------------------------------------------

總結係人設不過不失,遊戲性得戰鬥果part係個人覺得ok,故事唔知,頂唔順前期已經skip哂,不過睇番架仔果邊都話個故事麻麻,但用compile heart做標準,呢隻算係咁,因為真係學我咁,乜都skip哂齋打既話都ok

分數我都唔俾喇,每個人標準唔同,有興趣既人睇哂我上面所講既再自行判斷,或者睇一睇gameplay,因為呢隻始終唔係必玩大作,有愛先好買

黎緊9月,10月compile heart又出<<勇者ネプテューヌ>>同<<竜星ヴァルニール>>,另外一間廠都有隻CRYSTAR,頭兩隻我會玩既,CRYSTAR就觀望中,因為人設唔靚,到時有機會就再寫玩後感

回覆 引用 TOP

Thank for sharing.

回覆 引用 TOP

我係同廠作品妖精劍士既FANS, 呢隻同妖劍比既話, 值唔值得買?



回覆 引用 TOP

引用:
原帖由 蝶飛龍 於 23/6/2018 13:40 發表
我係同廠作品妖精劍士既FANS, 呢隻同妖劍比既話, 值唔值得買?
我都記得師兄你係鍾意妖精劍士,鍾意佢有唔同結局同唔洗做任務就可以直接打主線

呢隻有7個女角既結局,而d所謂任務完全唔似任務,無乜真係做任務既feel,純粹係個任務list接任,得5個係討伐任,其餘都係納品任,d道具仲要係最後可以買到哂

如果你想似妖精劍士咁普攻都可以駁幾廿hit,普攻都殺到怪,追求呢d爽快感既話,呢隻俾唔到你,但呢隻角色既位置分明,物攻就物攻,魔法就魔法,遠攻就遠攻,佢另類爽快感係吹飛隻怪會撞牆反彈,怪撞牆係扣超多血,如果吹飛去隊友度,隊友會補多下攻擊再吹飛過,好似桌球咁

我又唔敢亂推薦,陣間你覺得唔好玩我就做左罪人 你睇左上面我講d缺點先,再諗下自己接唔接受到,再唔係你再講下你鍾意妖精劍士d乜,我再睇下岩唔岩你玩,妖精劍士我都有玩,呢間廠經常出原創RPG games,隻隻個系統都唔同,改一改又未必岩你口味

回覆 引用 TOP

[隱藏]
引用:
原帖由 蝶飛龍 於 2018-6-23 13:40 發表
我係同廠作品妖精劍士既FANS, 呢隻同妖劍比既話, 值唔值得買?
聽完新月兄評價,故事有點沈長,但CG質素同量不用太過期待,
可能家用PS4版被迫和諧了不少,
如果出PC版可能要出18以上指引才可出齊GC圖。
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

引用:
原帖由 滿月新月 於 2018-6-23 17:24 發表
我都記得師兄你係鍾意妖精劍士,鍾意佢有唔同結局同唔洗做任務就可以直接打主線

呢隻有7個女角既結局,而d所謂任務完全唔似任務,無乜真係做任務既feel,純粹係個任務list接任,得5個係討伐任,其餘都係納品任,d道具仲要係最後可 ...
但我想問妳有冇買特別版,想妳比意見及入手價,因中文版好似都有特別版出。

看影評畫面比4季女神好些少[無中文版],不過此厰一向重用資源嚴重,
都唔太期待畫有咩新突破。

Death end re;Quest只少都比那個新世代坦克RPG有趣一點。
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

橫睇掂睇都覺得CRYSTAR會好玩過其他兩隻

回覆 引用 TOP

引用:
原帖由 sddabcjkl08 於 23/6/2018 19:17 發表
但我想問妳有冇買特別版,想妳比意見及入手價,因中文版好似都有特別版出。

看影評畫面比4季女神好些少[無中文版],不過此厰一向重用資源嚴重,
都唔太期待畫有咩新突破。

Death end re;Quest只少都比那個新世代坦克RPG有 ...
我有買限定版,實價唔記得,只係記得6百中左右,總之一定700有找

如果畫面同四女神online比,咁呢隻好好多,呢隻d色鮮d多d,同埋清晰d

限定版你又係為畫冊?呢隻本畫冊我睇過下,都幾失望,因為起碼8成都係設定圖,加埋d無被揀中既人設,唔洗諗有j圖 所以如果為畫冊既話,可以慳番




回覆 引用 TOP

引用:
原帖由 computer02 於 23/6/2018 20:36 發表
橫睇掂睇都覺得CRYSTAR會好玩過其他兩隻
整CRYSTAR果間廠,hmmmmm......仲要動作game,我睇gameplay有無夜國度影子,所以唔太期待

勇者ネプテューヌ呢次俾鬼佬整我都驚撻Q,不過見佢變2D玩法又好似幾得意

竜星ヴァルニール就應該都係一貫compile heart作風,所以都係無乜驚喜

10月太多game喇,呢堆都係9月尾開始出,一個禮拜一隻,今日隻絕體絕命都市4都公佈埋10月25號出......真係點玩得哂orz

[ 本帖最後由 滿月新月 於 2018-6-23 08:55 PM 編輯 ]

回覆 引用 TOP

[隱藏]
引用:
原帖由 滿月新月 於 2018-6-23 20:43 發表
我有買限定版,實價唔記得,只係記得6百中左右,總之一定700有找

如果畫面同四女神online比,咁呢隻好好多,呢隻d色鮮d多d,同埋清晰d

限定版你又係為畫冊?呢隻本畫冊我睇過下,都幾失望,因為起碼8成都係設定圖,加埋d無被揀中既人設 ...
4季女神扮online ARPG設定有點新意,福利直接有,我信有人用過VR。
可惜是試水溫之作但新系統明顯不上手,領人想起火狗工房做既online game。
最大問題是硬要拉全境領人物好細隻,格數明顯又不足,介面操不方便時又無得暫停。
AI操作真的不行,我開保命先決,但奶媽永遠走另一方。高低差經常卡隊友,得我一個打好易就上路。


Death end re;Quest唔係碼CG明顯妳講到戲肉時不給力,連畫冊也一般行貨,對於我看重畫面的人有點打擊。

[ 本帖最後由 sddabcjkl08 於 2018-6-24 12:18 AM 編輯 ]
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

引用:
原帖由 滿月新月 於 2018-6-23 20:54 發表
整CRYSTAR果間廠,hmmmmm......仲要動作game,我睇gameplay有無夜國度影子,所以唔太期待

勇者ネプテューヌ呢次俾鬼佬整我都驚撻Q,不過見佢變2D玩法又好似幾得意

竜星ヴァルニール就應該都係一貫compile heart作風,所以都 ...
絕體4真心希望有中文版,因搵不對資源或不懂在那裏,必定卡關。
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

引用:
原帖由 滿月新月 於 2018-6-23 05:24 PM 發表
我都記得師兄你係鍾意妖精劍士,鍾意佢有唔同結局同唔洗做任務就可以直接打主線

呢隻有7個女角既結局,而d所謂任務完全唔似任務,無乜真係做任務既feel,純粹係個任務list接任,得5個係討伐任,其餘都係納品任,d道具仲要係最後可 ...
我中意妖劍較輕鬆, 打唔過輕鬆練下級又過到 (練級真係好輕鬆, 唔似某D RPG 要刷)最中意既就係多路線ENDING, 唔係求其整, 3條線故事都完全唔同, 好少日系RPG咁有心機, 大多數日系RPG 都係一本道, 或FINAL BOSS 前求其整個分支就算數, 又或求其2周目加個迷宮.所以妖劍果3線發展我覺得好正.
不過呢D GAME 剛出價錢分分鐘要4舊, 我諗都係會等佢回到平D 先買.

回覆 引用 TOP

引用:
原帖由 sddabcjkl08 於 2018-6-23 07:09 PM 發表
聽完新月兄評價,故事有點沈長,但CG質素同量不用太過期待,
可能家用PS4版被迫和諧了不少,
如果出PC版可能要出18以上指引才可出齊GC圖。

我對紳士GAME 反而無乜興趣畫面用返傳統立繪我都接受到.




回覆 引用 TOP

引用:
原帖由 蝶飛龍 於 24/6/2018 04:12 發表
我中意妖劍較輕鬆, 打唔過輕鬆練下級又過到 (練級真係好輕鬆, 唔似某D RPG 要刷)最中意既就係多路線ENDING, 唔係求其整, 3條線故事都完全唔同, 好少日系RPG咁有心機, 大多數日系RPG 都係一本道, 或FINAL BOSS  ...
咁Death end re;Quest升lv都好輕鬆,都係唔洗刷,不過ending應該滿足唔到你,因為係"唔同女角ending",唔係你想要既"唔同結果ending",同埋ending都好薄弱,一張CG圖加幾段對話交代就算,好hea

中文版應該平d既,我諗3百幾就有,本身日版個定價都唔係貴,中文有代理就再平d

回覆 引用 TOP

[隱藏]
引用:
原帖由 滿月新月 於 2018-6-24 04:58 AM 發表
咁Death end re;Quest升lv都好輕鬆,都係唔洗刷,不過ending應該滿足唔到你,因為係"唔同女角ending",唔係你想要既"唔同結果ending",同埋ending都好薄弱,一張CG圖加幾段對話交代就算,好hea

中文版應該平d既,我諗3百幾就有,本身 ...

多謝C HING, 我想像到, 佢D 所謂ENDING 應該跟妖劍D 女角ENDING 一樣, 幾句野一張CG 就收檔吧.咁等佢再平D 先買了

回覆 引用 TOP



伸延閱讀
[按此隱藏 Google 建議的相符內容]
 37 123
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!