Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[分享] 爐石英雄傳(一至三) 德魯伊



爐石英雄傳(一至三) 德魯伊

[隱藏]
新手們初來乍到,總會唔係幾明到底爐石啲職業到底係點黎,同埋到底果個職業有咩特性等等,所以就令成件事都變得好不明所以咁。而呢一系列既爐石英雄傳,小編就會揀3個新手們都會唔明既職業同大家講下,到底果個職業係有啲咩特性。
自然的守護者 ─ 德魯伊
「德魯伊」呢個詞彙如果唔係有玩魔獸既人,可能會覺得好陌生,甚至會疑惑到底乜野係「德魯伊」呢?
但其實「德魯伊」就係魔獸/爐石入面其中一個職業,而呢個職業就係祟尚大自然既力量,再用大自然既力量去守護番大自然。所以大家就會見到「德魯伊」呢個職業,入面會有好多關於大自然既法術,好似「自然化」丫、「野性成長」咁,插圖入面都會有好多樹葉飛黎飛去。
而「德魯伊」除左可以利用自然既力量外,仲有一種力量就係可以同大自然既動物同步。同獵人唔同,獵人呢個職業係馴服動物,再同自己馴服既動物一齊並肩作戰。但「德魯伊」呢,則係利用變身法術,將自己「變」成動物,再用野獸既力量去瓦解敵人,所以點解德魯伊既卡牌,會有咁多「野獸」相關既卡牌,好似「揮擊」或姐係「利爪德魯伊」咁,都係利用緊野獸既力量去戰鬥。瑪法里恩‧怒風?他是誰?
如果要用一個人物做成個職業既代表,當然就係要用一個係呢個職業度登峰造極既人物黎代表呢個職業啦!而「瑪法里恩‧怒風」,就正正係呢個人選啦!
瑪法里恩呢個夜精靈德魯伊,曾經多次拯救艾澤拉斯無數既生命,仲有曾經拯救過牧師英雄「泰蘭妲•語風」同知名既「伊利丹‧怒風」〈伊利丹是瑪法里恩的弟弟〉。除此以外,係「死亡之翼」破壞呢個世界既時候,瑪法里恩更召集德魯伊同伴們再次守護艾澤拉斯。當中更協力迎擊「炎魔拉格納羅斯」添。被「塞納留斯」祝福既瑪法里恩,作為大德魯伊當之無愧!德魯伊爐石介紹
德魯伊呢一個職業,同聖騎士其實有幾分相似。因為兩者都能夠利用英雄親身攻擊黎控制場面,又能夠以法術回復自己既生命。不論係魔獸世界定係爐石,都係一個又能打又能補既萬用職業黎。如果新手初入坑唔知玩咩英雄好,其實都可以考慮下主力研修德魯伊呢一個職業。

德魯伊既卡牌,有一樣係「德魯伊」卡牌先會有既效果,就係「二選一」啦!對於新手或者中手黎講,「二選一」既法術同手下,都可以照顧到唔同場面既需要,係新手經驗不足有機會出錯牌既時候,更多既「二選一」卡牌將可以彌補到唔同既不足。就好似德魯伊卡牌「森林看守者」咁,係而家沉默愈黎愈渴市既狀況底下,4費既2/2「森林看守者」就俾左好多新手朋友們一個額外既選擇,用2攻擊黎清場又得,沉默一啲被動技能超強大或者係得到強大法術加持既手下亦得,係非常之好用既新手牌!

[ 本帖最後由 harveyin 於 2018-2-15 12:54 PM 編輯 ]

回覆 引用 TOP

爐石英雄傳(二) – 術士

黎到左爐石英雄傳既第二集,繼上次小編同大家講完左德魯伊呢一個以大自然為依歸並加以運用既職業後,今次小編將會同大家講下另一個新手們聽落都會好迷惘既職業,而呢個職業就係術士啦!
如果新手們入坑爐石,初接觸到「術士」同「法師」呢兩個職業,都好有可能會奇怪。雖然大家聽落都係法術系職業,但就唔知當中有咩分別。
如果簡單啲解釋的話,法師就係一種利用冰、火,同秘法去壓制敵人既職業;而術士,就係一種利用惡魔、暗影法術同詛咒等等既野去削弱,同擊殺敵人既一個職業。
以黑暗對抗黑暗 ─ 術士
雖然同樣係以法術為核心既術士同法師有啲相似,但術士既特別之處就係旗下擁有大量以「惡魔」為屬性既手下。而呢啲「惡魔」手下亦非常之有特色,只要玩家犧牲某啲野黎做代價,就可以用優惠條件俾玩家去召喚出黎。
而呢啲條件,就係要玩家犧牲英雄既生命值啊,捨棄手牌啊,摧毀自己其他手下啊咁。只要玩家願意犧牲呢啲野,就可以比平時更召喚出呢啲強大既惡魔!當然啦,同好多故事一樣,同惡魔做交易都係要蒙上好大既風險既。稍有不慎,就會令自己得不償失!古爾丹?他是誰?
古爾丹呢個人物,可以話係術士呢個職業既始祖。但或許好多人都唔知,其實古爾丹原來係一名薩滿黎。但就因為同惡魔打交道而慢慢逐入黑暗,變成一位邪惡而又危險既術士。如果大家有睇到前果排出既魔獸世界大電影的話,就可以見到古爾丹係獸人入侵艾澤拉斯時,擔當住好重要既角色。
而古爾丹係死後,亦深深咁影響住呢個艾澤拉斯呢個世界,甚至係魔獸世界遊戲入面多次被復活。術士爐石介紹

相對於其他職業,術士係爐石入面可以話係比較難玩既職業。如同字面意思,術士犧牲某啲野黎換取報酬係相當有風險既,新手們如果缺少考慮就隨便利用惡魔力量,好多時候都會特不償失!
雖然術士聽落係咁危險,但術士既魅力所在就好似「踩鋼線」咁,只要你既犧牲係臨界點而不至侵蝕自身,玩家將可以消耗自己既生命、手下,或姐係卡牌,令到可以係遊戲早期就召喚出強大既惡魔,令到對手連還擊既機會都冇。
好似術士既其中一張卡牌「拉卡利的惡魔獵犬」咁,4費就可以召喚出強大3/8體質嘲諷手下,對於好多前期既低費牌組黎講,可以話係一記迎頭痛擊!但術士若果要利用「拉卡利的惡魔獵犬」黎壓制大量既低費手下,除左4費之外仲要犧牲自己2張手牌,至於係咪值得,就要玩家們自己考量了!
除左犧牲手牌之外,出賣自己健全既手下黎召喚報酬,亦都係術士呢個陰險職業既特性之一,好似「著魔的村民」呢張卡咁,好多玩家早期先手都會打出「著魔的村民」黎壓陣,再係第二回合利用「血宴狂歡者」擊殺「著魔的村民」,令僅僅1費既「血宴狂歡者」變成3/3體質,變成前期黎講較為強大既手下!
至於新手們入坑岩唔岩玩術士?小編就唔建議大家以術士為起手職業既,因為惡魔既力量連用得宜就可以擊潰敵人,但如果運用得唔好的話,就會好似古爾丹咁,係魔獸世界入面淪為犧牲品了!






回覆 引用 TOP

爐石英雄傳(三) 薩滿

最後一集既爐石英雄傳,今次小締將會同大家講一下最後一個大家都會好易唔明既職業,而呢一個職業,亦係術士英雄古爾丹既原始職業─薩滿。
薩滿職業以至於詞彙,係日常生活到遊戲界都唔常見。如果要同一第個詞彙去形容薩滿,大概就會係祭司了。至於薩滿呢個職業係祭緊啲乜?跟住落黎就等小編為大家解釋下啦!

元素專家 ─ 薩滿


薩滿話得係元素專家,佢梗係同大自然係好有關係嫁啦!但同德魯伊唔同,薩滿專於既係大自然中既元素,好似地、火、水、風既元素咁。所以大家都會係薩滿既套牌入面,搵到好多呢類型既元素法術同手下。
除此以外,薩滿仲係一個擅長用武器去作戰既職業添!但就同聖騎、戰士等等唔同,薩滿作戰時更加在用元素既力量去強化自己既武器,好似大家所熟知既「石化武器」同「風怒」咁,都係薩滿們用黎強化自己武器既法術黎!
索爾?他是誰?


索爾呢個角色,如果大家有接觸魔獸世界的話,應該都唔會對佢感到陌生。索爾從部落既大酋長,直到變成而家潛心修補死亡之翼對世界造成傷害既世界級薩滿,都為艾澤拉斯擔當住好重要既角色。
而至於索爾,佢既本名其實叫高爾。索爾呢個名只係佢年幼時人類幫佢改既姐。相信有睇過魔獸世界大電影既人大概都會知,其實佢就係杜洛坦最後一刻放左落河既獸人小朋友,最後由人類收養左,更碾轉接觸到薩滿教仲學左薩滿既巫術添。
薩滿爐石介紹


薩滿呢一個職業,其實都係一個幾岩新手玩既職業。因為薩滿既可以用手下,又可以法術同武器,算係一個手下、法術,英雄拎武器做場面控制都可以既一個全面職業黎。雖然話薩滿係非常之適合新手玩冇錯,但其實薩滿呢,係一個易學難精既職業黎。咁講係因為薩滿雖然手下、法術,武器三修,但同時亦表示左佢既多變會令套牌產生更加多既變化,令新手係砌牌既時候需要考慮更多。
而除左手下、法術,武器三修外,超載呢個預支法力水晶既系統亦係薩滿所獨有。薩滿既超載係令玩家可以比正常低費用狀態下預早一回合召喚強大既手下或者係使用法術,但薩滿下個回合就會有若干既法力水晶會被鎖上。而呢一個超載制度就可以令玩家比平時更早取得戰場上既優勢,對新手而言呢一個將會係一個好大既優勢黎。但同時呢個超載制度亦帶黎隱憂,就係下一回合玩家既法力水晶將會被鎖上。如果玩家前一回合所造既優勢被對方化解,而又冇「解鎖法力水晶」既卡牌,將會整整一回合處於失之中。所以新手玩薩滿的話,將會係一個好好既學習機會黎。而薩滿既超載,風險其實變相比




回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!