Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[討論] 動漫宿敵角色之中 你地最鍾意邊個鬥邊個?



動漫宿敵角色之中 你地最鍾意邊個鬥邊個?

[隱藏]
喺無數套動畫漫畫之中,為咗令主角可以更進一步增強實力,通常都會安排一個競爭對手,透過雙方互相比拼,令主角從中成長。競爭對手通常有兩種,一種係由始至終都與主角實力不相上下,一種係起初遠遠超越主角,後來被主角追過仲愈拋愈遠。唔知大家鍾意睇邊類型呢,下面先講個人最鍾意嘅兩組競爭對手!



櫻木花道 V.S 流川楓

https://www.youtube.com/watch?v=qcrkzsCJJYU

為追到赤木晴子,櫻木花道加入籃球隊,但又因為晴子以及校內一眾女生都鍾意流川楓,令櫻木花道視流川楓為競爭對手,除咗鬥球技,仲會時不時因為小事鬧交大打出手。雖然過咗咁多年,但真係好鍾意呢對籃球檔,有時真係會好想睇續篇,但通常神作出續集都會......

漩渦鳴人 V.S 宇智波佐助

https://www.youtube.com/watch?v=y1fH0r6vIoE

起初鳴人係忍者學校嘅吊車尾,直到成為下忍之後,與佐助、小櫻與卡卡西組成第七班,當時鳴人仲鍾意小櫻,但小櫻卻痴戀佐助,如同櫻木花道對流川楓一樣,鳴人亦視佐助呢個天才為競爭對手,慢慢一步一步跟上佐助嘅節奏,直到而家嘅博人傳,鳴人終於成為夢想嘅火影。雖然鳴人同佐助打過好幾次,但最有回憶都係最初係終結之谷打嘅第一場

除咗以上兩Pair人,當然仲有好多經典競爭對手,好似悟空同比達,又例如怪盜基德同柯南,你地最鍾意嘅又係邊個對邊個呢?

[ 本帖最後由 毒者萌宅 於 2018-2-9 07:06 PM 編輯 ]

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!