Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[資訊] 【漫畫導讀】《東京ESP》作者新作 靜電新人類對抗有意識AI!



【漫畫導讀】《東京ESP》作者新作 靜電新人類對抗有意識AI!

[隱藏]
冬天除咗乾燥之外,仲有頻率急劇增加嘅靜電,特別係換衫嘅時候經常會聽到發出啪啪啪啪啪嘅靜電聲,電到嘅一瞬間真係同腳趾尾撞牆角有得揮!最近《食靈》、《東京ESP》嘅作者瀨川初,就以靜電為主題,喺角川線上漫畫網《Comic Newtype》,展開靜電人與AI戰鬥嘅全新連載—《電擊旅行者》!(以下內容劇透注意)

「哥哥又弄壞了......」



故事由主角國守切春整壞屋企微漫爐嘅日常開始

「令人與世隔絕嘅帶電體質」




好似切春呢類天生帶有強力靜電嘅體質,被稱為「帶電體質」,切春體內嘅電流甚至可以整壞電器,因為控制唔到體力電流,所以切春打從出世後從未接過接觸他人,就連細個嘅時候同媽媽拖手都唔得

「突如其來嘅少女插班生」



每套少年漫畫都係由主角嘅日常被破壞開始,而切春嘅日常就係被美少女插班生所擾亂。桐緒一出場,課室電器立即出現異常,桐緒明顯擁有與切春相似嘅體質

「切春成為被暗殺目標?」



放學番到屋企嘅切春感覺到屋企出現異樣,正當切春仲了解緊發生咩事嘅時候,漆黑之中插班生桐緒突然現身......

「槍口對準,目標切春!」


切春仲未嚟得及反應,已被桐緒用謎樣嘅武器瞄準,性命危在旦夕

「......會被殺死的」



切春僥倖逃過一劫,雖然仲未搞得清楚狀況,但至少知道一件事,就係要想盡辦法逃命

「操縱電子系統之人」




一心諗著奪命狂奔嘅切春,卻被紅燈所攔,真係不得不佩服佢明明已經命懸一線依然奉公守法......當然,背後操縱著紅綠燈嘅係用奇妙嘅力量追殺切春嘅桐緒

「神秘任務?」



追咗切春一大輪,桐緒先提起正題,要切春參與某個任務

「桐緒再次襲來!」



為逼使切春參加任務,桐緒捉咗切春最重視嘅妹妹,並再度現身於切春面前

「切春.反擊!」



為保護妹妹,為守護日常,切春啟動由桐緒強加到自己嘅裝置,成功開主角光環反擊

「合格?」



本來切春以為一切終於告一段落,誰不知眼前突然出現巨大直昇機,並被桐緒告知自己「合格」,令切春一時反應唔到

「滑行者與旅行者」



登上機後,切春終於得知自己與桐緒呢類帶電體質者被稱為「滑行者」,可以操縱箱型戰鬥兵器「旅行者」。目前因為四國發生原因不明廣泛地區性停電事件,政府秘密組織「賢人機關」為解決事件,建立由滑行者組成嘅隊伍「白羽之矢」解決事件

「桐緒360度轉變?」




一暗殺完切春,桐緒立即改變態度,不停勸說切春只要入咗組織可以點可以點,甚至做自薦做女朋友,已經為擺明居馬宣揚自己女主角身份

「切春被奪去第一次!」



興奮過頭嘅桐緒突然與切春拖手,對於打從出生開始未試過觸摸其他人嘅切春嚟講,呢一下相當震撼,不過切春並未因為咁而愛上桐緒,反而係討厭奪去佢日常生活嘅桐緒

「黑幕出現!」


暫時故事舞台定喺四國謎之停電事件,如果只係單純普通停電,又點會出動政府秘密組織,又要召集滑行者,勞師動眾當然你因為有黑幕啦!到底呢兩個神秘人究竟係咩來頭呢?

由《食靈》開始追瀨川初嘅漫畫,《食靈》講對抗惡鬼妖怪,《東京ESP》就講超能力人類嘅戰鬥,到今次打機械人,想留意靜電人對AI嘅故事,記著留意《電擊旅行者》喇!(以後仲想同分享多啲漫畫,對咩類型有興趣可以話我知

Source:コミックNewtype動漫伊甸園

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!