Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[資訊] 【空想科學】用完連自己都受傷? 拆解光之美少女可愛光束運作



【空想科學】用完連自己都受傷? 拆解光之美少女可愛光束運作

[隱藏]
以前唔少動漫同特攝片嘅角色都有一招絕技,就係放出光線攻擊敵人,例如小飛俠阿童木、超人同鐵甲萬能俠,隨口噏都講到幾個。睇住佢地用激光攻擊嘅時候,你又有冇諗過其實呢招秘技係點做到㗎呢?日本空想科學雜誌就嘗試從科學角度,分析出動畫《Happiness Charge 光之美少女!》主角可愛天使所使用嘅「可愛光束」原理!



可愛光束係可愛天使為數眾多招必殺技嘅其中之一,透過「光之愛手鐲」雙手造出「OK」手勢放於雙眼前,之後射出粉紅色光線攻擊敵人。動畫中可愛天使曾經單用呢招就輕鬆轟飛咗敵方兩名戰鬥員,不過缺點係對眼造成好大刺激。到底點解會有副作用呢,首先要了解眼部要射出光束須要啲咩條件。

https://youtu.be/yC6oYa8LcNc

喺大自界裏面,有唔少生物可以自體發光,螢火蟲就係其中之一,透過進食獲得能量繼而發光,但呢種光只係單單用作吸引異性,並不足以構成攻擊。與之相比,可愛光束所引起嘅現象真係犀利得多,只係雙眼放出嘅幼細光線可以將人炸飛!從威力層面判斷,呢種擁有強大能量嘅光線理應係「激光」。要製作激光,先再集齊3種元素:①能量源、②儲存能量嘅物質及③兩面對照鏡。



透過儲存能量嘅物質,一口氣將光能釋放出,再配合鏡不斷往來反射,反射後再直接向外面發射。不過生物究竟可唔可以放出激光呢?要製作可愛光束,確實須要上述三個部驟,但實際運作又係點呢?首先,能量源方面,理論上無論咩能源都可以製作到激光,所以可愛天使要能夠透過食物吸取能量製作光線,光束攻擊一說先可以成立。



再嚟就係儲存能量嘅物質,人類嘅眼球中有稱為「虹膜」嘅冬甩狀肌肉,色素亦包含其中。如果色素可以加上儲存能量嘅功能,再配合如果虹膜上可以設置兩塊具厚度嘅對照鏡,就可以產生出光線並進行反射。即使排除萬能達成以上條件,亦要相當小心,因為喺虹膜折射嘅光線只要一不小心擦傷,就會誤將自己嘅視網膜燒毀,所以可愛天使每次使用都要絕對僅慎!



咁到底可愛光束威力有幾大呢?現實中,激光係連鐵板都可以燒斷嘅光線,雖然可愛天使並冇用佢嚟斬斷敵人,但就用咗嚟炸飛戰鬥兵。從科學角度分析,要用激光將兩名成年男性炸飛相當困難,因為光嘅推力並唔大,要將人炸飛,就需要異常猛烈嘅輸出先做到!

https://youtu.be/16lPhyARdQg?t=7s

根據動畫內容推測,可愛光束射出時間約為0.2秒,而戰鬥兵體重約70kg,佢地被轟飛約3m距離,要達到呢個效果,可愛光束嘅輸出需要15億kW(瓦)嘅能量,足足係日本全國發電力嘅15倍!如果真係做到呢種咁大威力輸出嘅激光,只需0.2秒就可以令320t重嘅鐵溶化,要令2名戰鬥兵消失絕對係輕而易舉,就可愛天使留敵人活口一點嚟睇佢都幾溫柔



除咗大殺傷力之外,可愛光束亦對可愛天使自身做成極大影響,因為要輸出咁大威力嘅激光,需要消耗極多能量,如果換算成生物體內儲藏能量嘅脂肪,足足會有8t咁重嘅脂肪瞬間被消耗!換句話講,除咗效果超群之外,呢招光束攻擊仲可以瘦身添(不過一下子瘦8t嘅話,真係連自己都會被瞬間消滅......)



喺打飛人嘅同時,可愛天使自己亦會被反作用力影響,假設可愛天使重45kg嘅話,如果佢將比佢重3倍嘅2名戰鬥兵炸飛,自己亦會受反作用力波及飛到9m遠!

當然以上只係以科學為基礎分析,《光之美少女》嘅世界入面一招必殺技又點會真係有咁多壞影響,不過從現實角度睇,可愛光束真係一招令雙方兩敗俱傷嘅招式啊......

Source:空想科学読本WEB

回覆 引用 TOP

黑白天使聯手雙人光速同樣要命


推出力超大之餘把對手轟成渣



重要企硬不要後退






回覆 引用 TOP

要說的話這不是科學是魔法
用科學解識根本不合識的
這是妄想及想像現實化的能力




回覆 引用 TOP

引用:
原帖由 sddabcjkl08 於 2017-12-24 11:27 AM 發表
黑白天使聯手雙人光速同樣要命


推出力超大之餘把對手轟成渣



重要企硬不要後退


輸出太大連自己都轟成渣






回覆 引用 TOP

[隱藏]
引用:
原帖由 暴走狂人 於 2017-12-24 11:34 AM 發表
要說的話這不是科學是魔法
用科學解識根本不合識的
這是妄想及想像現實化的能力


係就係冇可能用現實理論解釋動畫嘅
不過呢個日本科學讀本成日研究啲趣怪動漫科學問題都幾得意啊

回覆 引用 TOP

引用:
原帖由 Sasori1995 於 2017-12-27 11:05 發表


係就係冇可能用現實理論解釋動畫嘅
不過呢個日本科學讀本成日研究啲趣怪動漫科學問題都幾得意啊
大錯大誤

就是有空想作品先


才有人知有冇得可以試行

好似人不會飛一樣[用物質又比水元素重]

一樣有方法上天[雖然不是人本身飛]


可惜更多空想作品己變作武器用途[事後軍轉民用]






連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

提示: 作者被禁止或刪除 內容自動屏蔽,只有管理員可見
呢本空想科學我都有本
講拉打同叮噹果到笑到我肚抽筋






引用:
原帖由 Sasori1995 於 2017-12-27 11:05 AM 發表


係就係冇可能用現實理論解釋動畫嘅
不過呢個日本科學讀本成日研究啲趣怪動漫科學問題都幾得意啊



系人都知

不過的確是像 "Fate/kaleid liner 魔法少女☆伊莉雅" 中說一樣
魔法是 "想像=妄想" 現實化的東西
<人類憑空想像的一切 都可以成真的魔法現象 別思考 要去想像>


不過以這裏的科學方法有些錯了
由眼發射光束應該像 "強殖裝甲" 胸部 "反物質炮"
又或是眼前用電池效應做出等離子體像光束一樣出才對

[ 本帖最後由 暴走狂人 於 2017-12-28 10:02 PM 編輯 ]




回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!