大佐SIVA

當我看到那毒雞時...心中就知道,終於完結了...漫長的金冠之旅...

今次既洗金冠之旅,其實對個人技術都提升都有幫助
上代mhp1,玩左300個鐘,其實主要都係要同人打,團體戰其實亂咁黎已經得
不過洗金冠始終一個人洗比較快,因此就逼住要學返一個人應付上位怪
同埋洗得多真係會對熟習d怪既動作好有幫助....好似角龍所有既行動,幾時轉區...我都差唔多背到咁濟....千其唔好叫我再打角龍了....
所以,洗金冠對個人技術有正面的幫助
說到洗金冠,一切還是看運氣,有人盾蟹500隻都未出,有人30隻就出齊...
有人3x隻已經齊角龍大細金...有人二百幾隻....
所以一切都係睇運氣,機會率始終都係統計學,無話必然....
當然當你洗極都唔出既時候,係會好想定爛部機既衝動...所以EQ低既,唔建議玩洗金冠呢樣野
不過洗金冠好玩之處,正正就係當你洗到隻金出黎時,果種興奮真係好難形容,等於上代(記住係上代!)出左紅玉果種興奮咁,特別係果D洗左百幾二百隻果D,好似我隻角龍出時真係興奮到叫左出黎(有爆粗:[X佢老X終於出啦!])
始終有去玩過先會感受到,今代D野太易儲齊,唔去玩金冠真係無野好玩
至於洗金冠的技巧,必定要首先具備[心眼]的技能,如果你隻隻都走去殺,相信1000個鐘都未必夠你洗哂,所以要揀黎打,自己用[心眼]睇下隻野值唔值得打,當你洗左2,30隻時,其實都應該會學識點睇,始終我既相都係比大家參考,最有效既都係信自己隻眼
不過我睇過有句說話好正,我洗金冠時都緊記呢句話:[寧可殺錯一百隻銀冠,都唔好殺少一隻金冠]意思即係SIZE似金就要殺,有殺錯無放過,除非你對自己既[心眼]好有自信,否則,殺吧
好似角龍呢D,金冠最少限制係2790,但2711,2750係好接近的,我洗左二百隻都分唔出呢三個SIZE既太大分別,如果殺少一隻就DOM春都無謂
最後,而家自制任當道,金冠都可以直接用自制任較出黎
不過,自己覺得用自己既方式,慢慢洗出黎既,唔洗理人,我自己都係一個一個咁洗出黎,就我而言用自制任出金冠同用CM既老金人無分別
MHP生涯...完了嗎?

參考數據






[ 本帖最後由 大佐SIVA 於 2007-5-3 01:48 AM 編輯 ]

大佐SIVA

鳥龍種

白,藍,黃跳跳王

跳跳,話難唔難話易絕對唔易出既野,易起上黎好易出哂,難起上黎激難出
跳跳最麻煩係好難目測到,往往要採用有殺錯無放過既方法
由於我都道行未夠,大金睇法都唔係太清楚
跳跳既第一關節位會和獵人差唔多高,而根據wiki既講法係小跳跳既高度,等於跳跳王大冠既膝蓋位,可以參考下
小金反而重難睇,個人認為黃跳小金係最難出的,洗左過百隻
好多時明明以為係小金既都唔係,目測法為跳跳全身的高度只會比獵人高少少,少少咁大把
不過其實講多無謂,請大家自己睇相最實際

任務:白跳跳,大小金冠都係集會6星單白跳任務
藍跳跳,大小金冠都係集會6星既雙藍跳任務
黃跳跳,大小金冠都係集會6星既砂龍任務
大金雙麻痺牙就一定出,小金就唔肯定,未有確實報告

小金冠




大金冠相



紅跳王

岩龍果個任務打極都唔出,打返佢自己做主角果個就即出
紅跳王係跳跳系之中最大既一條,因此會比較易睇,大起上黎真係同岩龍小金差唔多高
總之你一望落去嘩左出黎既,佢就係金冠
任務:小金冠,集會7星看不見的飛龍
大金冠,集會7星沼地紅跳跳




大怪鳥
普遍認為大金較難出,不過由於不難打,洗雙大怪鳥還不算太麻煩
任務:集會6星怪鳥夾擊



黑狼鳥

大隻既同火龍小金差唔多吧好似,總之唔算太難出,通常要打村長先有既,都唔會點難為你既

[地獄滾球提供]


細金冠



毒怪鳥

不算太難洗,打雙毒雞果個任務大細都會出,建議用火雙刀打,一個人打都係5分鐘一場左右,快靚正
細既毒雞本人發現有一個方法,就去去貼住佢屎忽,如果佢fing尾係中到你既,咁就有機會係細金,如果fing可以唔中既,一定無
大金,信我,真係好易出,我洗細金時就起碼出左5,6次大金,重要大金有得更新....

任務:大小金冠都係集會7星雙毒雞

細金冠




大金冠



對比下



[ 本帖最後由 大佐SIVA 於 2007-5-3 01:49 AM 編輯 ]

大佐SIVA

飛龍種
雌雄火龍
細金冠
由coolangle 提供


電龍
電龍成名作,可能大家比張相嚇親,得半邊身睇落去的確幾大,雖然實際上都好大....
睇法是第一個膝蓋位起碼高你半個頭,咁先值得一打
任務:集會7星紅電龍
大金冠




一角龍
一角龍並不同角龍,size要比角龍細好多,25xx已經會出金冠,睇既方法係,係佢潛沙時見到佢左翼有突出黎既,就係金冠了
不過一角難出既係細金,睇既方法真係無乜特別,見到佢特別細就係....
任務:村長4星,白銀一角
由evil提供
大金冠


角龍

要說mhp2最難出的金冠,我會揀呢隻....個人經驗就比電龍更難出十陪....我最後討伐數為241隻,另加大約200次的自殺記錄....
很多人或者唔太識睇角龍,不過其實都有幾種方法可以睇到,我用既其中一種係最易既,就係: 用音爆定佢上黎之後,佢飛起果下,如果係大金既,只會係飛起既半秒條尾先會離一離地,跟住係[必定]貼住地下的,更會插左半條入地,呢個方法係最快最易睇得出金冠既方法,
當然重有幾個睇法:
度後腳,必定會比獵人粗
中音爆時度佢[尾龍骨],會比獵人粗1.5陪左右,睇得多先會識睇
銀冠以上既角龍,係地下潛過黎既時候,左翼係必定會露出沙面的,而金冠的分別,在於係佢潛過黎既時候,係[全程]都會露隻翼上面的,請留意

任務:大小金冠都可以打村長緊急4本角與集會7星4本角
雖然有網站話集會7星單黑角都會出,不過本人自殺超過100次都唔出,因此機率多少可以由大家自己判斷





岩龍

被稱為[三難]的其中之一的岩龍(三難,電龍,角龍,岩龍...自己作的名字),相信難例唔少人,不岩龍算好的地方,就係可以好輕易用大爆G度到洗唔洗大,比起其他好難睇到既大金已經算好,放棄任務起上黎都方便D,基本上我自殺既次數係佢討伐數既兩倍
不過好可惜我大金冠果次無影相,因為當時只係高過我大爆G少少,以為佢唔係金,點知竟然就係出金....SORRY
得細金既相

任務:不作他選,打集會7星18的看不見的飛龍吧,因為可以最直接度到高度,大小我都係呢場出,有機會出紅跳細金的
小提示,如果出左係岩龍紅跳果區,走到圖中最左位置,紅跳就會見你唔到乖乖過區,可以用最快時間度高,自殺......


大金冠

後期傳出的另一度法,岩龍最高的一角如果超過名位就是大金,以準確度黎講,其實呢個係高d的
由coolangle 提供




細金相
同大爆差唔多高

同紅跳差唔多高....



鐙龍

鐙龍自問唔係太識睇,因為有時打黑鐙明明成隻老山龍咁大,但打完都係無金,所以只好見親大隻d就殺....
個人認為打白鐙易出d,而且有高台殺法,同埋白鐙無黑鐙咁彈,易打d
大金的鐙龍,佢噴激光時,企係高台都會有少少光顯示出黎的,留意
任務:我大小都係集會8星既白鐙出

由coolangle 提供




轟龍

唔否認佢係OK難出既一隻野,我係第88隻出既
我主要係睇佢個頭大唔大,你計下佢個頭既闊度足唔足以包到你上頸
唔好理佢個身,一埋牙睇佢個頭先就最快

任務:唔洗諗,大細都係呢個,集會8星單轟龍




由coolangle 提供

細金相
由damnhair2004 提供



[ 本帖最後由 大佐SIVA 於 2007-5-3 01:52 AM 編輯 ]

大佐SIVA

甲殼類

盾蟹,鐮蟹

盾蟹為其中比較難洗的一種,目測法出名的難,因為好難睇,我出大金果場都係唔肯定先無影到相,大金比平時都唔會大好多,所以一般洗法都係三,四個人一齊洗雙盾蟹任務,用槌打快到自己都嚇親,又可以順便儲埋角龍心,相信有洗過盾蟹既人都唔會怨角龍心唔夠用的
大金果場我只係覺得佢兩隻爪特別粗大,有少少起狗牙,不過身型真係差唔多,只可以有殺錯無放過
至於鐮蟹唔難出,唔多講了

任務:盾蟹大小金冠都為集會6星雙盾蟹
鐮蟹細金村長緊急雙鐮蟹
大金集會7星雙鐮蟹

盾蟹大金
由sunc 提供

細金
由snakehead 提供




鐮蟹細金
由～天照～ 提供



魚龍類

砂龍王


同水龍一樣,大金既游砂時會睇得見佢個身,呢個係最易睇既方法,詳細可以睇下面既圖
細金既,游砂時真係岩岩好見到佢背鯕咁大把,上到黎就好Q,好細條
任務:集會6星砂龍,大小都係呢個出

大金





細金




水龍

的確如置頂post一樣,我大小金冠都係翠水龍出的,細既真係好細,一睇就會知
大既,佢游水時,已經可以睇到個身,上到水,更加係巨型,想見到佢背鯕都有難度
我睇法都係係佢游水時最易睇,起碼要見到佢個身
任務:集會7星雙魚龍,大小金冠都係呢場

大金




細金相
由damnhair2004提供



牙獸種

野豬王

謎一般的野豬王...任何場合都會見到他的足跡,有[客串王]之稱
一般很難會故意以他為主角的洗金冠,通常是打白電,忽忽王之類順手將他幹掉
結果一看不知不覺他就金冠了....
要是還未有大金,可直接打官方DL的豬王訓練所,必出大金

任務:隨緣
大金,官方DL任務





忽忽王

無乜特別,唔算難出,我都未學識點睇佢就已經出哂大小金冠了
任務:集會6星果個,大小金冠都係呢場出

大金



雪獅子

估唔到,真係估唔到,雪獅子竟然會係咁難出....
佢老母...呢隻我覺得係MHP2第二難出既大金,真係會一路洗一路爆粗
RP,有時RP低,真係無野好講....
無咩特別心得睇,當你洗左百幾隻既時候,基本上用[心眼]就已經知佢有無金冠....
不過呢次我唔肯定邊隻先係金冠,因為一係就百幾隻都唔出,一出就一場出兩隻一樣SIZE既大野,我都分唔到
佢死左之後,條SO既第一個節位,同太刀斬忽刀差唔多高
任務:集會7星雙雪獅子





金獅子

細金唔洗煩,打村長雙金獅必出
大金雖然個個話易出,不過我就打左好多場先有得出....rp...汗
見到成座山咁大既金獅,就係金冠了
任務:小金村長雙金獅,大金集會8星火山金獅

去佢條jj度度...




[ 本帖最後由 大佐SIVA 於 2007-5-4 07:18 PM 編輯 ]

大佐SIVA

古龍種

麒麟

細既一定係村長出,唔算難出
大既就係上位集會果兩個,個人未洗過單隻,所以唔知機率,洗夢幻都OK
大金既麒麟同人差唔多高....不過又係唔緊要,官方DL任5月,有最大隻既麒麟登場,如果唔趕既,可以等下...
任務: 細金,村長任務
大金,上位8星單隻,雙隻夢幻泡影

大金
由sunc提供


鋼龍

以古龍黎講,鋼龍應該算係最易出哂大小金冠既古龍
特別之處係在於鋼龍係好難用眼睇得出佢大定細
好似我自己大金果場,打果時完全唔覺佢大隻,點知就打完突然彈左大金出黎....
所以,要洗呢場,就睇你好唔好彩了
有傳集會街鋼龍都會出大金,不過我自己就大細金都係上位集會出
任務:上位集會兩個鋼龍任務

由snakehead提供



炎王/炎妃龍

一對狗男女,不過兩個的金冠都不算太難出
大金冠.....sorry,唔識睇,打完等佢出...
小金冠,一見面覺得佢好Q既,咁就係了,個頭細到想錫啖佢,在生時,人會高過佢小腿,
死後則耳仔會矮過你
任務:小金冠可以打村長任務
炎王大金冠建議打集會上位,順便洗下粉塵寶玉
炎妃就都係打返村長

小金冠相

一開波唔理著火既危險,沖埋去度左先.....

打到佢PK時,又可以順便度下耳仔有幾高

死左就度耳仔




由神矢提供



霞龍

本人最憎打的一條龍,一黎成Q日隱形,搵來搵去已經煩,加上佢又唔主動打人(好彩佢唔主動打你咋,唔係一定係成隻GAME最難打既龍...= =),好多時好似係度打沙包咁,好悶
大金相最場由於興奮得濟唔記得影相(因為洗左成晚,一見到隻大野太開心...)
大金冠特徵係:手手腳腳超粗,如果你平時有打開霞龍的話,一見到大金冠就會發現D手腳特別粗,所以果場我一睇就知係大金冠了
任務:大小金冠集會8星任務都會出

大金冠
由coolangle 提供

霞龍大金冠 ,  個頭同佢死左隻眼一樣高


細金


由風信子提供


[ 本帖最後由 大佐SIVA 於 2007-5-3 01:56 AM 編輯 ]

大佐SIVA

見到有人支持我個post,其實已經係最大安慰
你話我曬命,我唔介意,不過呢度有幾多人見過我?曬完出黎有邊個認得我?我有錢分?
只係本住同大家分享一下,可能我自己多舊魚,比較鐘意打下文章咁
卡片我都可以post出黎同大家分享,不過
post哂自己全金冠又對人有咩幫助?似乎咁先叫[曬命]喎

而家我upload緊相,會更新部份怪的相了,謝謝









其實我都無你咁勁,細金全金冠,今代[細金]咁[難]你都出哂,我都未有時間打村長添,拜一下

大佐SIVA

引用:

原帖由 Sony-River 於 2007-4-14 12:00 PM 發表
樓主你可唔可以列出邊d任務會出金冠.......有d置頂既任務我打極都唔出

無問題,不過我會講我自己打邊個出
其實另外有d任務都會有機率出的,只係供大家參考下

大佐SIVA

引用:

原帖由 t3co2002 於 2007-4-14 01:59 PM 發表
我想問電龍洗紅電定白電好,因為2種電龍難出大金度差唔多

當我洗左百幾條白電都唔出...加埋要忍隻PK野豬王既時候....

我決定打紅電
打紅電有個好處,無論你係邊區出
都可以即時趕到去6區,唔洗煩佢轉區
白電就好麻煩,成日走黎走去,加埋有隻豬王先燥底

大佐SIVA

引用:

原帖由 地獄滾球 於 2007-4-14 02:12 PM 發表
希望大家遇到大金冠都可以放上相上黎睇睇啦~~~

打金冠打到我火都黎喇~~~

好難得打左成兩個禮拜打隻小金紅跳…

洗左過百隻今日先係hr2廿隻火山蟹仔到見到！第一版全金冠喇~

其實無論大小金冠,都係打上位任務會易出D的

大佐SIVA

引用:

原帖由 地獄滾球 於 2007-4-14 02:24 PM 發表

我o岩o岩講錯左…打左百幾場hr2廿隻蟹仔洗紅跳小金唔出…

跟手打左3次hr5岩龍隻紅跳就出喇~

冇人陪我打集會…我自己又打得屎…好多金冠都R晒頭…

雪獅我打左過五十(堅殺果隻)hr5單隻…都未出大金 ...

我覺得洗金冠都係自己一個人打會快D,當然你要有即時判斷到,佢係唔係大金既能力
自己打可以即時放棄任務,同人打就唔好意思講,係唔係都要打埋,好哂時間
除非係麒麟,轟龍,古龍呢D比較麻煩既野,就同人一齊打羅

就資料上看,唯一會出雪獅大金的任務得雙雪獅

大佐SIVA

唔好意思,掛住煲4本角,都無時間更新
而家已經殺左100隻角龍了...都未有
我已經唔想再殺生了(更加唔想捉)...比隻大金我,等我收手吧...

更新左鐙龍同金獅子

不過我d相都七七八八了,始終係後期我先開始有影相

所以希望有網友提供分享下
我將部份會員提供既相放左係頭幾個post,thx

大佐SIVA

引用:

原帖由 Sony-River 於 2007-4-15 07:12 PM 發表

雪獅細金打村長會唔會出?

村長d野不嬲都難出,我建議你打集會好過
打單隻或雙隻都好高機率出,係大金冠先難

大佐SIVA

引用:

原帖由 Sony-River 於 2007-4-15 07:20 PM 發表
不如你教埋點睇仲好

細金隻隻都真係好易睇,通常都細隻到離行離那,
雪獅無記錯好似同人差唔多高
如果你唔肯定既,建議你有殺錯無放過
用火屬打雪獅好快
推薦你用金銀火雙刀或者太刀斬老刀
特別4把火屬真係打到佢無得郁,一個人打用呢兩把都已經夠做

大佐SIVA

多謝哂分享,將你幅相放左去第1頁了,THX

霞龍我都未小金呀,諗住打村長

大佐SIVA

sorry由於掛住洗角龍所以無乜時間update...
岩岩up左幾位會員提供的相片,thx

好灰,打左幾日角龍都未肯出金...今晚又要繼續

我只會去xlink打的,因為我部機上xgame佢成日會h

我xlink名叫 **shiva**
有緣一齊打啦