Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊



追帖 打印

[玩後感] 【Uwants 首爾直擊】 Borderlands 3 搶先試玩報告



【Uwants 首爾直擊】 Borderlands 3 搶先試玩報告

[隱藏]


2009年10月,即係接近十年前,第一代 Borderlands 推出,將射擊 Game 的快節奏動作場面,以及 RPG 遊戲的執寶物升級的機制,兩者揉合,可以話為「射擊掠寶」類型遊戲開啟了先河。香港人未必熟悉,但依隻 Game喺外國就非常紅,只要 Search Borderlands Tatto,你可以見到無數人將依隻 Game 紋喺自己身上 ,可想而知 依隻 Game 嘅中毒指數係幾咁高!



而最新一集嘅 Borderlands 3 將會於 9 月 13 日推出,今次 Uwants 就去到韓國首爾出席官方的傳媒活動,搶先試玩,仲搵嚟兩位制作人傾下計!



Borderlands 嘅美漫畫風亦非常標誌性。角色人物設定非常生動,對白亦都好幽默。制作人都話,創作咁多款角色,有男有女,有肥有瘦,就係想玩家搵到一個角色畀你代入,從而更加投入到 Borderlands 嘅故事。   



故事中,玩家控制嘅寶庫獵人,為咗取得寶藏和力量,要去到不同星球冒險,途中會遇到一啲知法犯法嘅盜匪同 Boss 想搶奪屬於你嘅嘢,遇到唔公義嘅事情,當然要勇武還擊,當玩家擊殺依啲敵人之後,敵人會跌出唔同嘅武器、裝備,同埋經驗值,讓你升級自己。

當你得到足夠嘅經驗值,每個角色都有獨特的主動技動,例如:槍手莫茲(Moze)可以召喚並駕駛機甲;獸王 FL4K 就可以召喚出野獸,咁就可以遇強越強,繼續上路搵寶藏。而今集最大改動就係主動技能的數量增加到三個,讓玩家在育成角色時有更大自由度,拓展出更多變化!





Borderlands 最吸引嘅地方,相信係款式多到數唔到嘅武器與裝備,官方槍支數量係「超過10億款」,當中有可以射出芝士漢堡的霰彈槍,亦都有腳識追著敵人跑嘅衝鋒槍,玩家可以喺 Borderlands 嘅星球一路玩任務一路升級自己嘅軍火庫。

今集唔少槍枝都新增咗發射模式嘅功能,例如可以切換手槍發射子彈或小飛彈。
角色操作方面,今集玩家可以瀟灑地翻越障礙物、亦可以滑行到掩護處。



制作人表示其實 Borderlands 初頭就係為與好友同樂而設計,所以 Multiplayer 嘅 Co-op 模式,絕對係 Borderlands 嘅一大特色!今集 Borderlands 3 喺全平台上都支援 4 名玩家線上合作,主機上更支援 2 名玩家以分割畫面進行合作模式。

其實分割畫面嘅遊戲模式,系統運算需要雙倍效能之外,遊玩介面亦要遷就畫面大小,對於遊戲開發來講十分有難度,亦有很多廠商因此放棄,為什麼 Borderlands 3 的團隊要堅持加入 Spilt Screen Co-op Mode?「因為我們知道,身為一個老牌玩家,過往最棒的時光便是與好友一起坐在沙發遊玩的那段時光。」





講返少少 Game 後感先!雖然因為時間關係,只係短短玩咗兩個 Chapter,但絕對感受到嗰種爽快嘅感覺,傷害敵人時嘅傷害值彈彈彈,擊中要害 Critical 又彈彈彈,感覺十分治癒!有啲槍係射火球嘅,有啲槍係要儲氣嘅,槍款同技能多到好誇張,啲槍同敵人仲有唔同屬性相剋,都幾復雜,上手可能需要啲時間,但係玩熟之後,就可以根據你嘅玩法去升技,再揀支啱你用嘅槍,有好高嘅自由度。       

Borderlands 3 嚟緊 9 月 13 號就會正式推出,想知更多最新資訊要繼續留意 Uwants 啦!








回覆 引用 TOP



伸延閱讀
[按此隱藏 Google 建議的相符內容]
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!