Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[討論] 《龍珠超》如果再開新章 返璞歸真以冒險為主有冇得諗?



《龍珠超》如果再開新章 返璞歸真以冒險為主有冇得諗?

[隱藏]
如果大家有追《龍珠超》,都知道完咗力之大會後,飛過咗電影布洛尼篇,開始咗全新「銀河巡警囚犯篇」。

001 (Copy).jpg

新篇開始冇耐,睇怕內容都會係銀河監獄有囚犯走甩,然後悟空同比達去迎戰,初期唔夠打,到之後再學識新形態(或者完全掌握自在極意?)擊敗對手。除非鳥山明話要斬,唔係嘅話呢篇完咗都應該會繼續連載。大家覺得若然回歸番最初,加重番冒險元素有冇得諗呢?

002 (Copy).jpg

初期悟空仲細嗰時,《龍珠》嘅冒險元素真係重好多,莊子同悟空一齊去各地收集龍珠,熱血得嚟又不乏探險色彩,仲記得當初嘅神龍超威武,點會想像得到佢拍落超神龍度只係一粒宇宙星塵......

003 (Copy).jpg

到咗笛子大魔王篇,故事開始側重戰鬥,遠離冒險,不過地球神、天界嘅設定,唔係人類打人類,與魔族嘅戰鬥依然令人有種耳目一新嘅感覺!

004 (Copy).jpg

其後撒亞人篇,世界觀進一步擴大,不過就冇點再冒險,只係等敵人攻過嚟再反擊,不過悟空去界王星修練一段倒係有點冒險色彩。

005 (Copy).png

打完比達,轉戰娜美星為舞台,個人感覺呢篇真係《龍珠》最精彩嘅一篇!雖然呢篇係圍繞龍珠嘅爭奪戰,但亦不乏冒險味道,補充咗好多以前嘅設定,既交代悟空身世之迷,又合理解釋神龍源自邊度。

006 (Copy).jpg

其後嘅人造人同魔人布歐篇,冒險感已大不如前,不過斯路一篇以未來為背景,係幾嶄新。但呢兩篇開始已經進入敵人攻嚟、開打、落敗、再取勝嘅節奏,基本上已經冇太多冒險元素。

007 (Copy).jpg

到咗《龍珠超》,由豐太郎代筆,鳥伯伯退後擔任原作。雖然《超》都有唔少新設定,例如宇宙觀、天使同破壞神之類之類,不過探險色彩對比初期真係少咗好多,都可能係因為個故事觀已經發大到不能再大......比較令人有驚喜嘅係未來杜拉格斯再次登場,但可能唔少讀者已經唔會對比銀河系仲要大嘅超神龍感到衝擊。

008 (Copy).png

嚟緊銀河巡驚篇,似乎都係1 on 1形式,唔少仲有追開嘅老Fans,可能都只係想睇悟空繼神、藍、自在極意之後,仲可以染多幾多次頭,仲可以有幾多個形態。但如果要繼續做落去,個人真係幾想佢可以加多啲冒險元素,可以嘅話嘗試吓唔同已經半人半神嘅悟空做視點,改以下一世代出發去銀河系探險,相信會更加有新鮮感

回覆 引用 TOP

個人覺得菲利篇最好睇,鬥智鬥力,唔係為打而打





回覆 引用 TOP

引用:
原帖由 無毒不丈夫 於 2019-2-2 10:54 發表
如果大家有追《龍珠超》,都知道完咗力之大會後,飛過咗電影布洛尼篇,開始咗全新「銀河巡警囚犯篇」。



新篇開始冇耐,睇怕內容都會係銀河監獄有囚犯走甩,然後悟空同比達去迎戰,初期唔夠打,到之後 ...
無戲,畢竟龍珠早己比定型為格鬥,再講悟空又不是柯南甘識用腦。
要冒險的,不如求有心商家出神龍之謎第二季動畫重實際。




連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

冒咩險啊?咁既主題都可以擺去FB度,冷笑。
問得出呢條問題既,好明顯連龍珠係咩野既題材都未搞清楚。
格鬥類,主力就緊係格鬥架啦!
你唔好話龍珠應該大量加入愛情原素?

令人覺得為打而打,就係鋪排未夠好既問題。而唔係鋪排得唔好,就要轉型。
講到底就係總有人唔滿意,但你唔滿意,亦唔代表其他人唔滿意。

我同身邊有睇既朋友,都完全唔覺得布歐篇有問題,布歐篇亦係公認經典好睇。
隔左幾多年,大家依然好記得悟空變超3(雖然當時未夠成熟)、
再到之後同比達合體最強戰士 - 比古洛等。

總結,成篇野都九唔搭八!為做話題而做!

[ 本帖最後由 純情小兔兔 於 2019-2-3 05:12 PM 編輯 ]






回覆 引用 TOP

[隱藏]
好像是一開始的冒險搞笑漫畫銷量不好,編輯才叫鳥山明改為打鬥為主。

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!