Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[WebGame] 超創新遊戲: 網絡駕駛真實遙控車, 巨大切爾諾貝爾模型尋寶 [有片]



超創新遊戲: 網絡駕駛真實遙控車, 巨大切爾諾貝爾模型尋寶 [有片]

[隱藏]
0.jpg

揸車遊戲玩得多,但係喺遊戲入面揸現實存在嘅車又有冇試過?超創新遊戲《Isotopium Chernobyl》就係咁樣玩!

製作團隊位於烏克蘭,佢地喺當地揾左個大倉庫,開始砌一個巨大模型版切爾諾貝爾,現時模型已位佔 210 平方米。由於製作手工好唔錯,睇畫面第一眼可能真係未必睇得出係模型。但只要細心留意就會發現呢個的而且確係實物,後面個天空都係張顏色紙黎。除左模型本身整得靚,仲有利用各種裝備模擬光影、風、煙等,令場景更真實。




至於隻 game 係點玩?透過瀏覽器就可以玩,成功連線後你就會連接去烏克蘭現場一架遙控車。用鍵盤 WASD 控制前後左右,仲可以操控車頭燈關關、鐳射槍 (純粹射出強光)。仲有隻機械臂,以防車仔卡住地形都可以自行推開。主要目的就係尋找著燈嘅「同位素」(Isotope),只要去到燈正面撳一撳就可以收集。遊戲有限時,夠鐘就會停止唔可以再控制車仔,但收集到同位素就可以延長時間。




雖然遊戲玩法唔算好有深度,但可以遙控地球另一邊嘅車仔喺像真模型廢棄城市尋寶,本身已經好過癮 (睇下試玩片就明)。仲可以見到其他玩家車仔,大家撞下、用機械臂打下招呼都得。而且只要成功連接,車仔控制反應好快,畫面亦順暢唔會疾疾下。不過當然有個好大限制:模型場景雖然大,但始終位置有限 (尤其建築物內部),所以遙控車數量亦唔多 (好可能要排隊玩),但呢個 idea 真係幾正!

遊戲網站:
https://www.isotopium.com/

https://youtu.be/jWcEsSLIthQ
https://youtu.be/ipKYYn2QYwg












回覆 引用 TOP

引用:
原帖由 dante1024 於 2019-1-16 16:59 發表


揸車遊戲玩得多,但係喺遊戲入面揸現實存在嘅車又有冇試過?超創新遊戲《Isotopium Chernobyl》就係咁樣玩!

製作團隊位於烏克蘭,佢地喺當地揾左個大倉庫,開始砌一個巨大模型版切爾諾貝爾,現時模 ...
軍隊訓練也用得上,多年前有用就是。






連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!