Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[遊戲] 新 God of War 搶先試玩: 革新畫面. 玩法. 故事歷代最正?[有片]



新 God of War 搶先試玩: 革新畫面. 玩法. 故事歷代最正?[有片]

[隱藏]




自從 PS4 全新《God of War》首次揭曉,大家都知今集同前作好唔同。由主角 Kratos 造型、整體畫面、玩法、故事,幾乎全部範疇都大革新。究竟呢次大改係好定壞?雖然遊戲未正式推出,但之前 Uwants 小編有機會搶先試玩,可以話比大家知今集成功結合新與舊!

最新預告片
https://www.youtube.com/watch?v=rClXqZD2Xrs

首先今集成個背景都好唔同:由希臘神話變成北歐神話,環境亦由以前超現實誇張變成貼地嘅森林大自然。Kratos 老左亦更有智慧,唔再好似以前咁衝動。學習控制怒火,只喺適當時候好好利用。今集最大主題係 Kratos 已為人父,但佢根本唔識點做老豆,所以要慢慢同個仔建立關係。



God of War 系列一直好單線,基本上只有一條路線可以行。新呢集雖然唔玩 open world,但係都比舊作開放好多。除左條「大路」之外,仲有其他較隱藏路線及地區可以探索發掘。

試玩長片
https://www.youtube.com/watch?v=HnpYY51bKSI&index=16&list=WL&t=36s

Kratos 把新武器係「Leviathan Axe」斧頭:R1 / R2 分別係輕及重攻擊,L1 瞄準再撳 R2 更可以成把飛出去,之後隨時撳三角就會自動飛返黎 (好似 Thor 支鎚咁)。除左用各種 combo 揮舞之外仲有特別技能。首先斧頭觸碰嘅野都會結冰,除左會喺機關解謎上用到,飛落敵人可以令佢結冰然後再攻擊打碎。唔拎斧頭出黎或者飛左出去未拎返黎,赤手空拳又係另一組攻擊。



除左武器,另一重要工具係盾牌。平時收喺左手手臂,撳 L1 先會打開。亦唔可以長期打開就無敵,因為盾牌必須對住攻擊先擋到。如果岩岩好攻擊時撳擋,更可以瞬間反擊。至於 X 掣就係迴避。

最後正方掣就係命令 Atreus,即係 Kratos 個仔。撳掣佢就會向你指定嘅敵人射箭,就算你冇命令佢都會有各種支援,例如提醒你後面盲點有敵人攻擊。

試玩長片
https://www.youtube.com/watch?v=2e-yAATMjBI&index=17&list=WL&t=38s

以上各個系統令戰鬥一開始已經有唔少變化同選擇,當然之後仲有升級兩人技能、武器、衣裝,同埋堵加更多新能力及 combo。所以今集戰鬥絕對唔會比以往遜色,除左爽快之外再加多重刺激。



製作組之所以唔跟隨好多大作咁轉玩 open world,最大考慮就係想令故事更強更深刻。鏡頭由俯瞰換成臂膀後,而且成隻 game 由頭到尾畫面都係一 take 過唔會 cut 走,都係想令玩家更投入 Kratos 新旅程。父子交流唔限於過場片,平時玩緊都一直有發生。雖然試玩時故事未真係入肉,但已經感覺到今集故事比前作深刻好多,令你真係會 care 裡面嘅角色。

4K 畫面示範
https://www.youtube.com/watch?v=LhPKQ_EfCGk

最後畫面方面,新 God of War 可能係新一隻最靚 PS4 遊戲。畫質比 Horizon 地平線更清晰,無論人物定環境都極之細緻:Kratos 衣裝上有大量細節全部睇得好清楚;環境整得好真實,例如踩過濕泥地更會留下腳印。畫面靚嘅同時,戰鬥時畫面亦流暢。

雖然好多人見到 God of War 成隻遊戲變哂樣都有 d 擔心,但玩左遊戲一部分後可以話比大家聽今集保留到系列果種爽快兇狠嘅同時,改變亦帶黎一番新感覺,令系列進化。無論以前有冇玩過,今集都值得一玩。
 
 

回覆 引用 TOP

正呀!





回覆 引用 TOP

呢隻GAME必買



回覆 引用 TOP

我所有god of war系列都有玩,今集都唔例外!





回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!