Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[討論] 【回帶】手塚治虫古文明科幻作 邪氣滿滿《三眼小子》



【回帶】手塚治虫古文明科幻作 邪氣滿滿《三眼小子》

[隱藏]
漫畫巨匠手塚治虫一生創作過多套家喻戶曉嘅漫畫,無論係兒童向、少年向定成人向都駕輕就熟,其中科幻題材尤其出色,講到代表作可能好多人會諗起《小飛俠阿童木》,不過手塚老師仲有一套相當經典嘅作品,加入古文明元素,其名為《三眼小子》!



《三眼小子》漫畫於1974年開始連載,直至1978年連載結束,1985年曾經以特別節目形式推出一集完動畫《惡魔島的王子 三眼小子》,其後到1990年先正式動畫化,香港則由TVB買入於1991年播放。《三眼小子》故事講述古代人類「三眼族」後裔寫樂保介與好友和登千代子一齊解決各種超自然神秘事件,故事最大魅力在於手塚治虫套入特別嘅世界觀解釋現存各種遺跡嘅謎題,由寫樂去解釋各種失落遺跡背後嘅真相

https://youtu.be/F4dMcs1oc-w

故事主角寫樂保介由養父犬持先生一手養大,犬持於某個滂沱大雨嘅深夜突然被登門造訪嘅神秘女子拜託收留寫樂,離開之後就隨即被雷擊擊斃。後來隨著寫樂日漸成長,額頭上嘅第三隻眼開啟,除咗有超乎常人嘅智能與能力之外,亦變得愈來愈邪惡,為咗避免寫樂暴走,平日唯有用十字膠布封住寫樂第三隻眼。平日嘅寫樂純過白紙,不過當膠布被撕走之後,性格就會360度轉變,變得邪惡狂暴,冇人能夠控制



相信大家對寫樂保介以及女主角和登千代子都唔會太陌生,即使冇睇《三眼小子》都好,手塚治虫另一人氣作《怪醫黑傑克》中兩人亦有登場,不過設定就同原著有少少唔同,寫樂被設定為千代子嘅細佬



除咗由手塚治虫所畫嘅原版故事之外,2016年《Champion RED》開始連載起《三眼默示錄~惡魔王子寫樂~》,以手塚治虫為原作,作畫為《下流梗不存在的灰暗世界》嘅柚木N',因為係青年雜誌,故事亦比較大尺度,暴力鏡頭18禁情節俱備。當然冇得同神枱級原作比,但當同人外傳咁睇都過癮嘅



除咗阿童木同黑傑克之外,寫樂係第三個個人對手塚治虫作品印象最深刻嘅角色,不過通常提起佢都係會叫佢做三眼仔,又好少會叫寫樂。當年TVB係由李克勤唱主題曲,唔知仲有冇人識唱呢?

https://youtu.be/jacOpWqWms0

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!