有好多玩懷舊遊戲既朋友都會好懷念以前打《熱血》遊戲系列既年代，甚至有唔少玩家都會搵番紅白機和盒帶，懷念一下。不過呢個《熱血》遊戲系列一向都唔平，單係紅白機最後一隻《熱血》遊戲《熱血籃球》，叫價過千，有價有市。

最近《熱血》遊戲系列已經成為ARC SYSTEM旗下既版權作品，所以開始係現世代遊戲機上復活，今次決定推出名為《國雄君熱血COMPLETE FAMICOM編》既3DS遊戲，將包含了紅白機年代11款既《熱血》遊戲，包括《熱血硬派》、《熱血高校》、《熱血足球》、《熱血足球2》、《熱血時代劇》、《熱血物語》、《熱血行進曲》、《熱血新記錄》、《熱血曲棍球》、《熱血格鬥傳說》及《熱血籃球》，玩家可以一氣過推有所有紅白機年代既《熱血》系列，遊戲既發售日未定，FANS要留意。