Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[分享] 爐石天梯卡牌介紹 一至九




爐石天梯卡牌介紹 一至九

[隱藏]
今次要同大家分享既係一副控制術,不過雖然叫控制術,但係亦同時具有好強既一回殺能力,而呢副牌組仲有另外一個俗稱叫做西瓜術,西瓜術呢個名點得來小編真心唔清楚,但個人推測可能係同食肉立方怪呢一張牌既卡圖有關係。西瓜術既主要擊殺手段就係利用各種唔同既手段係唔需要接受副作用既情況之下特召末日守衛,配合頌魂者昂布拉同食肉立方怪呢個組合,令到末日守衛大量產生。即使唔能夠立刻取得勝利,但係之後只要抽到死騎古爾丹就基本可以奠定勝利,因為個時你墓地應該會有大量既末日守衛。

牌組運作基礎
起手主要留低費生物,由於呢副牌組既低費生物都係屬於比較優質,而且亦有唔少既解場牌,所以要獲得場優應該唔會太難,中期利用著魔的僕從或者曼那瑞之顱既效果特召末日守衛或者虛無領主都會令對方大為頭痛,而當場上有末日守衛既時候就利用食肉立方怪既效果去令到墓地既末日守衛數量增加,當然如果有埋頌魂者昂布拉係度就更加理想啦。

牌組介紹

單卡分析


呢兩張牌都係相同既目的,就係用來特召惡魔既唔需要理會其副作用或者高昂既費用,而呢一副西瓜術入面就只有末日守衛同虛無領主呢兩種惡魔,無論用效果特召到邊一隻都係賺到笑。


作為牌組入面唯二既惡魔,末日守衛相信大家完全唔會陌生,呢張牌能力非常強,可惜同時亦都有非常大既副作用,就係會隨機捨棄兩張手牌,雖然係咁,但只要配合得宜,呢張牌絕對可以成為殺手鐧。而另一張虛無領主則係新版本加入既優質手下,佢既體質同效果可以令到對手既攻擊完全咁慢落來,當然正常來講呢張牌既費用就相對高左些少,但係係呢副牌組入面我地基本係可以直接無視佢既費用,因為基本上我地只會用特召既方法去召喚以上兩張惡魔。

頌魂者昂布拉係呢副牌組入面既地位非常高,因為呢副牌組入面有唔少強力既死亡之聲效果,如果可以係召喚個時就直接觸發一次,真係可謂錦上添花,最強力既配搭當然就係同食肉立方怪同時使用啦。

食肉立方怪基本上就係呢副牌既核心,主要係靠佢摧毀末日守衛然後自殺再召喚兩隻末日守衛,最理想既情況係當頌魂者昂布拉在場時,用食肉立方怪摧毀末日守衛,然後再用第二隻食肉立方怪推毀第一隻食肉立方怪,咁既話場上會即係出現五末日守衛。真係一回殺就係咁簡單。

小編閒談
西瓜術最近係天梯開始流行,主要係因為呢副牌組相對容易做到核心Combo,而且只要成功做到Combo之後,即使無法當回合獲得勝利,對手亦相當難以處理呢個場面,就算對方真係成功清場,只要到死騎古爾丹出場,場面就會瞬間又係一堆末日守衛,簡真係可怕之極。而且為免對手真係咁都守得住,呢副牌仲加入埋首席門徒琳恩去提拱另一種贏法。

回覆 引用 TOP

【暴雪特約】爐石天梯卡牌介紹(二) 控制牧

今次要同大家分享既係一副控制牧,牧師係一個非常有趣既職業,雖說以前既牧師真係相對疲弱,但係各種偷牌效果真係非常有趣,而且都有心火牧可以同其他職業一戰,自從死騎版本之後,牧師既牌得到飛躍性既提升,死騎牧師更加係異常強大,成為天梯既常客,而今次所介紹既控制牧,雖然都有放死騎牧師,但並唔係以死騎為核心,而係偏向以優質生物既無限復活來獲得勝利。

牌組運作基礎
起手如果有弱效白鑽法術石就可以留,如果知道對方應該係打快攻既,例如獵人同近排好流行既聖騎,就應該要留暗言術:懼,由於呢副牌組有大量既解場法術,幾乎可以話可以應到任何既場面,正常來講應該係毫無壓力就可以去到中期,中期開始只要用暗影精華拉到手下出場,就可以開始壓制場面。
普通清場Combo:縮小藥水 + 暗言術:懼
對方有強大既5攻以下死聲怪物:縮小藥水 + 瘋狂藥水,然後自殺或者用暗言術:痛 自殺。

牌組介紹

單卡分析

一張萬能既牌,幾乎所有牧師既牌組都會有佢既存在,由於呢副牌組既解場法術非常多,幾乎可以應付任何場面,所以用暗影靈視只要因應唔同既場合就幾乎等於無所不能。

新版本所加入既牧師專屬法術,無視一切既清場能力,唔會觸發死亡之聲係其優點所在,而且仲可以令對手既節奏被嚴重打亂,因為牌組突然多左一堆手下,對付種菜德非常適合,因為種出來既菜就單純係隻高費白板,如果要重新召喚出來係一種麻煩,而對付西瓜術更係非常優秀,可以完全拖延西瓜術墓地惡魔既堆疊,令到一回殺既Combo變得麻煩,而成功搶左場優之後既控制牧就幾乎係立於不敗之地。

同樣係新版本所加入既牧師專屬法術,呢副牌組就基本上係為左佢而度身訂做,每施放4個法術可以升級,再施放4個法術就會變最高級,最高級可以一次復活4個手下,即係一次過復活曬最煩人既優質生物(亞煞拉懼、黑曜石像、伊瑟拉、巫妖王),雖然呢副牌組入面有大量既法術,但由於想升到最高級需要施放8個法術,所以弱效白鑽法術石越早上手越好,當然就算唔升到最高級,只係升級一次都其實足夠強大。

黑曜石像係死騎版本加入既牧師專屬手下,呢張手下既強度簡單係無得講,又嘲諷又生命竊取,死左仲可以隨機摧毀敵人一隻手下,如果對手無沉默或者變形術可以處理佢,都咪話唔頭痕,而且呢副牌組會不斷咁係墓地召喚返佢上場,製造強大既優勢。

小編閒談
牧師係現今既版本仲係實力非常強橫,而且流派亦唔止一個,由於係天梯既上游有唔少既牧師存在,所以大家係玩牧師既同時亦應該多多思考要點樣應付返牧師,希望之後既版本平衡可以做得更好。






回覆 引用 TOP

【暴雪特約】爐石天梯卡牌介紹(三)快攻聖

牌組運作基礎
快攻牌組最優勢既起手式當然係海盜,如果無都唔緊要,只要開始個時留是但一張一費手下確保每一個回合都可以出手下,用最快既速度壓縮牌組,準時係4費用到集結作戰就最好,6費用到瓦蘭尼珥更加會錦上添花,當場上有一定數量既手下時裝備未鑑定的槌子(只要唔係抽到上嘲諷都係非常之好)可以令到場面優勢大大加強,然後全部打面,對手如果無清場AOE幾乎就只可以等死。記住用神恩術之前要盡量令效果最大化,先將手上能夠出既牌出曬先。
牌組介紹

單卡分析

新版本加入既聖騎士專屬武器,當係手牌個時就會變定鑑定左既版本,係由四種效果隨機抽一種去變化,最實用既係有全部手下+1攻,又或者係全部手下附加聖盾術效果,比較差既有召喚兩隻白銀之手新兵同埋全部手下上嘲諷。基本上只要唔係抽到全部手下上嘲諷都係對快攻有幫助既一把武器。

新版本所加入既聖騎專屬法術,直接由牌組入面號召三隻2費用或以下既手下出場,無論號召到咩手下出場都係直接令場面變優,非常強大既一張法術,快攻聖會再現江湖好重要既原因都係因為佢既出現,如果有飛刀手在場又或者第一隻就拉到飛刀手就再更加賺添呀。

新版本所加入既聖騎專屬傳說武器,就咁睇6費得4攻2耐久好似唔係幾勁,但係強在佢既死亡之聲可以令一隻弱雞手下變成強大既手下,而本身強大既手下更加係會變成可怕既手下,而且仲可以有機會無限循環咁使用呢一把武器,基本上佢如果加係炸雞勇者身上會好可怕,即時令到斬殺線變得更高。

守日者塔林姆係安哥洛版本時加入既聖騎專屬傳說手下,佢既效果非常強大,可以令到佢以外所有既手下都變成3攻3生命,係一張非常利害既解場,當時亦可以用到自己場上既一堆雜魚變成有唔錯戰鬥力既新力軍,呢張牌用得好,分分鐘就可以直接斬殺對手,連炸雞勇者都唔需要出場。
小編閒談
快攻聖算係今個版本入面係天梯最常見既聖騎套牌,係宜家既天梯生態入面,有大部分都係打中後期,而快攻就相對比較少,主打中後期既牌組如果比佢地成功咁拖到入中後期就幾乎無辦法逆轉,所以玩快攻既話要盡量多熟習一下自己副牌組點解運作先係最大效益,因為可能只係做錯一步,就由贏變輸啦,所以快攻牌組並唔係可以無腦咁玩架。




回覆 引用 TOP

【暴雪特約】爐石天梯卡牌介紹(四) 快攻獵

今次要同大家分享既係一副非常經典既天梯牌組,佢係天梯一直都係常客,雖然佢可能唔係最佳既選擇,但由於組成佢所需既粉塵數相對其他天梯Meta牌組少好多,所以係唔少新手玩家唔錯既選擇,而且佢操作相對簡單,基本上就係不斷咁打頭,無錯佢就係快攻獵!快攻獵由以前就一直存在,係每個版本佢都係只要調整一下就可以重新上路,令好多人又愛又恨既快攻獵在此獻上。
牌組運作基礎
呢副牌組起手只需要有海盜派奇以外既任何一費手下都係好既起手,最好一開始手上就有坑道蠕蟲,牌組入面既野獸數量唔差,所以基本既轟雷刺喉龍同擊殺命令好容易可以拎到加成效果,要切記留意自己場面到底有定無野獸,以免做成差些少傷害可以擊殺而輸。由於牌組係完全低費速攻向,因此玩家只需要考慮如何盡快利用手上既資源去打爆對方個頭就可以,如無必要盡量唔好同對方換手下,記住一點,天下武功,唯快不破,比對手快,就係勁。
牌組介紹

單卡分析

新版本加入既獵人專屬武器,一張非常實用既快攻用武器,由於佢攻擊時可以免疫傷害,所以可以放心咁用頭補刀人地既手下,佢既出現直接令到前期遇到對手有低費手下時,可以令自己既手下無咁容易被換走,咁就可以進一步拉開血量既差距。

新版本所加入既中立手下,1費就有1攻3血,簡直係超水準既體質,再加上佢仲有野獸特徵,完全係獵人既最愛,由於佢有3血,所以佢前期相對難被處理,令到我地有資格主動去換走人地既低費麻煩手下,進一步控制場面,由佢加上射燭弓就可以解決大部分低費手下。

新版本所加入既獵人專屬法術,傷害一個手下,再召喚一隻狼,性價比唔錯,有機會可以直接拉開兩隻手下既場面差距,所以係一張好適合快攻既牌,利用佢來處理一啲嘲諷或者擁有麻煩效果既敵方手下,進一步霸佔場優。

新版本所加入既中立手下,佢既實用性非常非常之高,甚至乎可以話佢係一張傳說都唔過份,佢既效果令到佢可以好容易係低費個時就可以直接出場,由於快攻牌組比較多小型手下,而小型手下被處理時又可以令坑道蠕蟲降費,所以佢配合上低費手下同射燭弓等武器,就可以好快係低費出場,想像一下如果係2或3費個時就直接有隻5攻5血既野獸出場,都咪話唔頭痕。
小編閒談
快攻獵算係天梯入面比較容易拎來爬到R5既牌組,而其實快攻獵打其他一線牌組都係有得一較高下,呢一副牌組其實就係台灣選手Tom60229係明星賽入面使用既版本,如果想知道快攻獵點算應對其他天梯常見牌組,可以去參考一下啱啱完結無耐既明星賽,相信各位睇完應該都會獲益良多。






回覆 引用 TOP

【暴雪特約】爐石天梯卡牌介紹(五) 秘密法

[隱藏]
今次要同大家分享既係秘密法,秘密法其實係舊版個時已經存在,但使用既人相對較少,主要係因為以前既秘密法只要打到中後期就會因為無續戰力而難以再同其他牌組對抗,但係由於新版本所加入既法師專屬傳說武器亞魯涅斯同埋新加入既秘密爆炸符文,令到秘密法突然加強唔少,再一次成為天梯上面既常客,而且因為新牌既加入,秘密法前期可以賺盡優勢,只要傳說武器準時報到,就連中後期無力既問題都迎刃而解,令到對手難以招架。
牌組運作基礎
呢副牌組起手最好有法力龍鰻,如果無法力龍鰻,黑謀會小弟加隨便一張秘密都係一個唔錯既起手,基本上除非你咁黑仔一開始就抽到炎爆術同埋火源之界傳送門,否則既話只要順住水晶數咁出牌,正常都會拎到唔少場面優勢,而到6費時如果能夠準時打出亞魯涅斯,相信就差不多大局已定,秘密法既前期佈陣同攻勢好強,正常應該可以不斷咁清空對手既手下,不斷咁加強自己既場面。直接傷害既法術如果可以既話就留返用來收頭用,可以令對方難以判斷斬殺線。
牌組介紹

單卡分析

黑謀會小弟同祈倫托法師由於佢地既效果完全一樣,所以就放係一齊講,佢地既效會都係令到呢一個回合佢地出場之後既下一張秘密變成免費施放,對於用來搶佔場優有非常之大既幫,變相就係直接多人地三粒水晶用,而且佢地本身既攻擊力都唔差,由於正常來講佢地出場之後一定會有秘密,所以對手下一回合為左要測試秘密係咩都要思考唔少,正常來講,呢兩張手下應該可以成功存活,為制造更多場面優勢打好基礎。

秘法學家算係秘密法既重點牌之一,佢可以係自己既牌組入面隨機抽一張秘密加入手牌,呢一個效果意味住可以同時一定增加秘密係手牌又可以壓縮牌組,可謂係一舉兩得,而且佢既體質亦唔差,正常來講,係可以有辦法係前期換走對手兩隻低費手下。

新版本所加入既法師專屬秘密,一張超級強勢既新卡,由於佢既出現,令到秘密法係前期既壓力增力唔少,因為佢可以有效咁阻止對手用手下佔據場面優勢,而且即使對方用低費手下去測試呢張爆炸符文,都會受到溢傷既打擊,完全係一張唔會輕易就被對手浪費效果既秘密,而且有左佢,對手就好難輕易咁打出佢既重要手下,變相可以阻礙對手既攻勢。

新版本所加入既法師專屬傳說武器,一張效果好強大既牌,因為秘密法手牌既消耗速度非常之快,所以如果有佢,就可以令到秘密法係中後期無手牌既困局解開,而且佢係回合結束時一次過抽3張牌,即係話下一回合會有4張手牌可以用,正常來講,由於前期秘密法應該已經佔到唔少優勢,再加上呢個快速抽牌,可以好容易咁用傷害法術直接收尾。
小編閒談
秘密法算係一副比較偏向快速但又唔係非常之快既牌組,佢對上中後期牌組有好強既壓制能力,但係對於完全快攻牌組例如快攻獵,快攻聖就相對難打少少,而呢一副牌組仲有一個好處,就係佢全部牌都係法師專屬牌,係砌牌個時可以節省唔少時間。

回覆 引用 TOP

【暴雪特約】爐石天梯卡牌介紹(六) 魚人聖

今次要同大家分享既係魚人聖,魚人聖都算一副係天梯存在已久既老牌組,係魚人隊長仲未被改弱之前,魚人牌組可謂百花齊放,大部份既職業都可以玩魚人版本,而且都有唔錯既表現,而當中魚人聖既表現就相對優秀,大概係因為魚人聖有神恩術可以係魚人大量咁消耗手牌之後補返個續戰力,令到中後期唔會因為無手牌而陷入困境,而今次改版新增既一啲新牌令到聖騎既快速打法變得更強,而混入魚人既套路就係今次要講既新版魚人聖。
牌組運作基礎
魚人聖基本上起手最理想當然就係一、二、三咁樣順住費線去既魚人手下,即使唔係咁完美既起手,魚人牌組其實都好難會無牌出,因為魚人套牌都係低費手下,所以只需要留意魚人之間既互動,出啱先後次序先係重點,例如魚人招潮者當然就係應該先出,石塘獵人最緊要係留意場上有無其他魚人先好出,冷光先知亦係一樣,當然亦唔係話無魚人係場就唔可以出場,要視乎場合去判斷,如果唔明白可以盡量參考下職業選手既比賽記錄去學習。
牌組介紹
單卡分析

新版本加入既聖騎士專屬武器,當係手牌個時就會變定鑑定左既版本,係由四種效果隨機抽一種去變化,最實用既係有全部手下+1攻,又或者係全部手下附加聖盾術效果,比較差既有召喚兩隻白銀之手新兵同埋全部手下上嘲諷。基本上無論抽到咩野版本,都係可以令場面變得更加優勢既一把神兵利器。

新版本所加入既聖騎專屬法術,直接由牌組入面號召三隻2費用或以下既手下出場,無論號召到咩手下出場都係直接令場面變優,非常強大既一張法術,係呢副魚人聖入面,最好既情況就係3費出左魚人隊長,4費用集結作戰,先拉出飛刀手,再拉出兩隻藍鰓戰士,如果對手無嘲諷就係直接對敵人造成最少11點既直擊傷害。

守日者塔林姆係安哥洛版本時加入既聖騎專屬傳說手下,佢既效果非常強大,可以令到佢以外所有既手下都變成3攻3生命,係一場非常利害既解場牌,可以令到難以解決既敵方手下同自己既魚人變成對等既存在,視乎情況仲可以令斬殺線直接上升,令到敵人措手不及。

新版本所加入既中立手下,相信如果大家對佢應該唔會陌生,被譽為新版本入面如果抽唔到就必合成既新牌,佢既威力可謂毀天滅地,只要係快攻版組都應該放佢入去,甚至乎有好多中速版組都會放佢,基本上佢如果一開始就係手,好快就會變成一隻0費手下,突然係前期出現一隻5攻5血既手下,係非常之影響成個戰局既,所以中期後既牌組面對住呢張牌都真係幾頭痕。
小編閒談
魚人聖係一副快攻牌組,由於魚人系列本身就係屬於優質低質手下,所以要佔領場面優勢並唔係難事,而聖騎本身既單卡大部分都非常優秀,可以配合到魚人進一步加強,令到場面更加難以處理,相信大家如果以前有玩過魚人系列既牌組應該都可以輕易咁操控呢一副牌組。。






回覆 引用 TOP

【暴雪特約】爐石天梯卡牌介紹(七) 進化薩

今次要同大家分享既係進化薩,進化薩係上一個版本既天梯可算係一個強勢既存在,而且分支都有唔少,亦曾經係比賽場上既大放異彩,但隨住新版本加入更加唔同既強勢新牌登場,會發動薩滿好似突然間消失左咁,係因為新版本入面所增加既卡似乎同進化薩唔係咁配合到,而各種新組牌強勢登場之下,就令到薩滿相形見拙,但係咁唔代表薩滿就完全無得打,其實薩滿係呢個版本都仲可以同其他天梯強勢牌組一爭高下。

牌組運作基礎
進化薩化既核心就係不定利用一拖一既組合去進行場面優化,基本上大部分既牌都係可以令到場上再多一隻手下,咁做既目的好明顯就係為左最大化咁利用到進化,起手有螢火同原魚圖騰係最好,如果對面係快攻熱門職業如聖騎,盜賊,獵人等,就最好留大旋渦傳送門係手以便應付快攻既鋪場,總而言之,進化薩核心就係需要不斷咁鋪場,然後用進化直接令到對手必需使用大量解場牌去解救,所以對於如何掌握場面優勢要有一定既認知。
牌組介紹

單卡分析

叫得進化薩,進化當然就係呢副牌組既核心,而不穩定的進化係今個版本新加入既薩滿專屬法術,亦都係新既進化手段,進化既使用時機當然係越多手下時用越好,但不穩定的進化就只能對一個手下使用,但佢特別既地方在於佢係使用既個一個回合可以重覆咁使用,即係不穩定的進化係十水晶個時可以直接進化十化,由於可以進化咁多次,用來博進化到有衝鋒既手下既機會亦大幅上升,所以佢可以算係一張撒手鐧。


死騎版薩滿亦都係進化薩既靈魂牌之一,同進化既使用時機都係一樣,越多手下就越好,當然有時候未必可以咁順利進行鋪場,而且由於進化左之後就無得再用召喚到基本圖藤,所以佢幾時先放出場都係一門學問,至於呢方面要點樣判斷只能靠各位多多練習去增加經驗啦。


嗜血術係一張基本牌,但係亦係好多薩滿牌組都會落既一張必殺技,雖然呢副牌組只係落左一張,但係佢都係呢副牌組既王牌,由於進化薩正常來講場面既手下應該係唔少,所以可以最大化咁利用到呢一張牌既效果,視乎唔同情況,對手需要迫住去解你場,如果唔係既話斬殺線真係高到一個點。


新版本所加入既中立手下,基本上大部份牌組都會有佢既身影,而點解又要再一次提到佢係因為進化薩係擁有大量手下既牌組,由於要換取場優,所以會不斷咁同對手交換手下,又或者對手好多時候都被迫需要清理你既場面,所以坑道蠕蟲好容易就可以變成好低費既手下,而重點係佢進化既時候所計算既費用係佢既原本費用,亦即係7費,咁樣既話就即係好早期你就可以用進化直接進到一隻8費或以上既手下,可以令到場面更多穩定。
小編閒談
進化薩既套路其實就無咩改動過,如果大家想進一步了解,可以直接參考上一季既比賽,入面有好多選手都有選用進化薩,可以由佢地身上學習到好多使用進化薩既技巧同思路。






回覆 引用 TOP

【暴雪特約】爐石天梯卡牌介紹(八) 海盜戰

今次要同大家分享既係響天梯入面存在已久既海盜戰,係新版本之前,佢算係一副比較常見既快攻牌組,但係經過左熾炎戰斧既削弱,新版本新牌既加入,海盜戰就漸漸淡出左,但係事實上海盜戰仍然係可以響天梯入面佔一席位既,今次介紹既海盜戰就加入左少少新版本既牌,但係核心就同以往一樣,相信大家如果有曾經接觸過海盜戰既都可以好快上手。

牌組運作基礎
呢一副海盜戰既最佳起手就係恩若司的大副同埋凱雷希斯親王,無以上既牌就選擇全換,前期如果能夠搶到場優係最好,白沫狂戰士如果能夠準時出場就多多利用手下同武器去交換對手既手下,令到白沫狂戰士既攻擊力大幅上升,柯爾克隆精英同埋炸雞勇者仲有奧金收割斧都係好好既收頭利器,由於宜家呢個版本好少人會放拆武器既手下,所以可以放心咁利用海盜既效果盡量提升武器既威力去控制場面,戰士既優勢就在於佢武器相比其他職業多,可以比較容易用武器去換取場面優勢,而且當你有高攻武器在手既時候,對手仲需要考慮你既斬殺線到底有幾高。
牌組介紹

單卡分析

恩若司的大副算係呢一副牌組入面最好既起手,可以直接提供一把可以斬三次既一攻武器,而且佢係海盜,一出場就可以拉出海盜派奇搶傷害同場面。如果對手唔係快攻牌組,係早期就可以靠呢一手搶走唔少血量。


凱雷希斯親王既效果非常強大,所以越早抽到佢就越好,雖然如果要用佢就要放棄其他兩費既牌,但係由於海盜戰2費本身會選擇既牌並無不可取代性,所以呢一副海盜就嘗試用親王去加強一下海盜本身唔太強既體質。相信大家應該都體驗過有親王加成同無親王加成既牌組係戰局中既優勢交換有幾可怕。


惡毒的召喚師係新版本所加入既手下,佢既效果係出場時由牌組隨機翻出一張法術,隨機召喚一隻同呢張法術相同費用既手下,而呢一副牌組本身就因為落左親王而唔會落其他二費既牌,本身會放既法術限制又多左,就索性放棄放低費法術,直接只放戰士最高費用既法術去令到惡毒的召喚師既效果最大化,唯一既缺點就係如果惡毒的召喚師出場之前,牌組入面唯二既法術都已經抽上手就會令到惡毒的召喚師成為一張白紙。


新版本所加入既戰士專屬法術,本身既效果好一般,但係可以靠裝備武器去升級,海盜戰既武器數量都還可以,所以升級唔會太難,而且本身呢張法術既重點不在效果,而在於放係牌庫入面去配合惡毒的召喚師,所以呢張法術留係牌庫入面其實係更加好。
小編閒談
海盜戰係天梯存在既時間實在係非常長,而且一直都有唔錯既表現,其實海盜戰唔一定要跟呢副牌既套路,砌返以往版本既海盜戰亦無不可,所以成副組牌可以調整既空間非常多,大家都可以嘗試下砌一副屬於自己既海盜戰玩下。




回覆 引用 TOP

【暴雪特約】爐石天梯卡牌介紹(九) 龍牧

今次要同大家分享既係龍牧,龍牧係卡扎牧出現之前算係牧師比較多人用既流派,但係因為卡札牧相比龍牧既全面性高,所以好多牧師都轉左去玩卡札牧,另一方面當然係因為卡札牧係當時來講更加能夠剋制比較多既天梯常用牌組,而龍牧係新版本加入左一啲新卡之後都得到唔錯既強化,而今次分享既呢一個版本既龍牧其實係混合埋心火牧既核心要素係入面,算係一副比較偏向前中期既牌組。

牌組運作基礎
呢一副牌組既起手當然最好就係有北郡教士可以盡快進入呢個不停抽牌既節奏,如果對面睇上去係偏快攻既職業例如獵人,聖騎或者盜賊,就可以留瘋狂藥水去做克制,雖然叫龍牧,但由於混合左心火元素係入面,所以其實都係得六隻龍,起手有辦法留一張破暮龍或者暮光飛龍係手都係可以既選擇,心火既最佳人選自然係暮光飛龍,但係亦都唔需要太過為左佢而留手牌,最重要係佔據場面優勢,儲齊關鍵手牌之後進行一波一回殺。
牌組介紹

單卡分析

暮光侍僧係新版本所加入既牧師專屬手下,亦係龍牧既新成員,雖然佢唔係龍族,但佢個效果如果能夠成功發動,一般都能夠令到轉面優勢增加唔少,尤其是對付一啲專門不停上加成比手下既牌組方面,效果更加顯著。


破暮龍係新版本所加入既牧師專屬手下,同時佢亦係龍族,當仁不讓咁成為龍牧既新成員,而且佢既效果好強,成功發動就係一個威力唔錯既全體AOE傷害。由於天梯宜家普偏都仲係卡札牧,所以快攻牌組都有唔少,而快攻牌組係完全比破暮龍剋制,可以令一般快攻對手防不勝防,如果對方All in之後比破暮龍清場,估計對手就可以直接投降。


心靈之火同神聖精神就係最經典既心火牧核心,不停幫同一隻手下增加生命值,然後再利用心靈之火將攻擊力變成等同於生命值,往往都可以成功製造出非常可怕既怪物,俗稱一拳超人,由最初已經存在既基本Combo,經過左咁多個版本既洗禮,佢依然係一個可以令人防不勝防既絕招。


萊拉算係一張比較有趣既牧師傳說手下,佢既效果其實好強,但問題在於佢往往都好難可以生存到超過一回合,所以萊拉最好放出來既時機永遠都係對手完全無手下既情況之下既五水晶回合,又或者係自己已經有十水晶既回合,出完萊拉都可以放多幾張法術,肯定最少都能夠發動到幾次效果以達成最大收益。係呢一副牌組入面萊拉既存在就係為即將會被心火組合加成既手下進行掩護,令佢手盡量使用解場牌萊拉身上,又或者如上面所說係後期放出來盡量賺。
小編閒談
龍牧對於現今大量既快攻牌組都有唔錯既勝率,由於天梯入面牧師主流依然係卡札牧,所以對手比較少會防範破暮龍,只要能夠成功用破暮龍清場一次,估計之後大家都應該識點打。

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!