其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[主機/週邊] PS4 七大新功能: 解放自訂新選項, Pro 機畫質升級!



PS4 七大新功能: 解放自訂新選項, Pro 機畫質升級!

[隱藏]


PS4 下個大更新 - 5.50 版本今日發放首個 beta 測試版本。如果之前有登記又抽中,就會收到電郵指示下載及安裝方法。究竟今次又有咩新功能?

PS4 Pro「超級採樣」模式
Pro 機設定將加入全新「超級採樣模式」,專為 1080p (或以下) 電視使用。簡單黎講,啟動之後就會將原本 4K 畫面「濃縮」至配合電視嘅解像度。就算唔係 4K 電視,都可以令畫面比原本純 1080p 模式更加細緻及清晰。現存部分遊戲已經內置呢個功能,而「超級採樣模式」就係專為本身冇呢個功能嘅遊戲使用。





遊戲庫介面新功能
Library 遊戲庫加入兩個新分頁,更方便你睇到裝左 / 買左邊隻 game。首先「This PS4」分頁顯示所有已安裝遊戲及 Apps。PSN 名稱分頁就顯示所有買左嘅遊戲及 Apps,你亦可以隱藏唔想見到嘅遊戲及 Apps。另一個新分頁「PS Plus」就顯示你嘅 PS Plus 免費遊戲,如果 PS Plus 過期就會見到遊戲被鎖上。



通知提示新功能
終於可以刪除舊通知,只要撳手掣 Option 就會見到選項,更可以一次過刪除多個通知。

自訂桌布不再限制
之前已加入自訂桌布功能,但只限 PS4 內圖片或截圖。依家就可以用 USB 匯入任何圖片,只要去設定 - 主題 - 自訂 - 選擇圖片,就可以揀 USB 儲存裝置。




遊玩時間管理
如果有建立家長及兒童帳戶,家長帳戶可以管理兒童帳戶遊玩時間。預定時間接近完結時,畫面就會出現提示,等兒童可以儲存進度或退出遊戲。家長帳戶可以選擇是否一夠鐘就令兒童帳戶自動登出,亦可以用 App 遙控延長遊玩時間。

快速選單可以見到自訂清單朋友

比賽隊伍頁面可以從 USB 匯入自訂標誌及背景


今次更新都幾實用ar 各位 ching 仲想加咩新功能?
 
 

[ 本帖最後由 dante1024 於 2018-2-7 11:25 AM 編輯 ]

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!