其他討論
消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[遊戲] 三國無雙 8 玩後感 爆伏



[隱藏]
引用:
原帖由 滿月新月 於 2018-2-17 23:24 發表
8代慘係無用架,因為要買,要中招既人已經買哂,而家都未買果d都唔係fans啦,果d見到咁仲會買?係要下一隻仆直先有用,而家8代咁,對下一隻銷量先係最大影響,我唔知佢下一隻係乜啦,猛將傳又好,9代又好,戰國無雙5又好,下一隻係挽回大家既 ...
話說PSN賣英文版縮圖有大大個9字
日後實好人中招買左再開帖吊那星
連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

我諗我都算係其中一個死忠粉絲。。。因為明明睇咁多game評,都幾乎未見過有人讚過,而我亦自己睇過好多片,都覺得唔係咁掂,都同自己講,算啦,忍下手唔好買,但個心又心思思想去買,終於明知不可為但仍然為之。。。買左,玩左一陣,淨係要降低畫質黎加返正常個流暢度我已O哂咀,唉。。。何必呢⋯⋯





回覆 引用 TOP

引用:
原帖由 elliottlai 於 17/2/2018 23:47 發表
我諗我都算係其中一個死忠粉絲。。。因為明明睇咁多game評,都幾乎未見過有人讚過,而我亦自己睇過好多片,都覺得唔係咁掂,都同自己講,算啦,忍下手唔好買,但個心又心思思想去買,終於明知不可為但仍然為之。。。買左,玩左一陣,淨係 ...
咁果間鋪真係好彩,你幫佢買左隻無雙8,尤如再生父母 而家d鋪我諗想賣走一隻都難,突然有人話要買真三8,真係開心到乜咁,拍爛手掌




回覆 引用 TOP

引用:
原帖由 elliottlai 於 2018-2-17 23:47 發表
我諗我都算係其中一個死忠粉絲。。。因為明明睇咁多game評,都幾乎未見過有人讚過,而我亦自己睇過好多片,都覺得唔係咁掂,都同自己講,算啦,忍下手唔好買,但個心又心思思想去買,終於明知不可為但仍然為之。。。買左,玩左一陣,淨係 ...
妳不會買一手吧?






連邦有三好:身嬌/體柔/易推倒

自護有三宝:血厚/火力/強撞到

回覆 引用 TOP

[隱藏]
引用:
原帖由 sddabcjkl08 於 2018-2-17 11:16 PM 發表
GW計過平均6分
乜甘多評分佢高甘多既
暗榮錢洗哂去廣告度?


我記得之前有過消息,指暗榮間公間真係賺左唔少。
多到使錢去哂廣告同塞錢俾人……呢d野一d都唔出奇丫。

明明惡評連連,但平均分竟然都6至7分,
難怪外國有咁多玩家即刻留意去質疑媒體既評分。

或者咁講,大家都見到竟然有一間媒體可以俾滿分……做假到咁面……
可想而知,佢地有收錢,而為遊戲商拉高個分既野,係所謂既公開秘密。
你肯塞錢,咪有俾面派對囉。

回覆 引用 TOP

引用:
原帖由 滿月新月 於 2018-2-17 11:24 PM 發表
8代慘係無用架,因為要買,要中招既人已經買哂,而家都未買果d都唔係fans啦,果d見到咁仲會買?係要下一隻仆直先有用,而家8代咁,對下一隻銷量先係最大影響,我唔知佢下一隻係乜啦,猛將傳又好,9代又好,戰國無雙5又好,下一隻係挽回大家既 ...


作為一個卑微既玩家,唔望暗榮再跌多鋪勁既,仲可以點?
依家真三八評價已經完全比得上真三五,甚至有過之而無不及……
剩返既就係,真三八後續既銷量如何?
照依家各界的批評,真三八既銷量有好大機會係後勁不繼……

當評價同銷量都比暗榮佢地預期落差大既話,至少可以俾個教訓佢地嘛……

正如你所講,以呢集既真三八既水平,就算之後出猛將傳……都絕對唔睇好。
如果真係出猛將傳,唔通會認為佢地會即刻整返哂全獨立模組? 加入大量IF劇情?…
仲有幀數呢?………無可能囉!
另外既就係,真係唔知點解會有死忠會成日話,等咩更新patch去改善……
依家係講緊,就算之後出猛將傳都無可能救得返,更何況係patch?
究竟有無用腦去諗野?

咁了解佢地既我地,當然佢地一日唔換班底,大家都唔使指意有新突破既進步,
但至少可以整返隻真係可以玩得下既、有七代水準既真三國無雙丫!

你係咁提 戰國無雙5 ,我心都涼左一大截…………
你都知我一樣係會玩戰國系列。
如果暗榮又將真三八既方向同元素放去戰國5既話…………

[ 本帖最後由 SIUKUEN 於 2018-2-18 01:30 PM 編輯 ]






回覆 引用 TOP

引用:
原帖由 SIUKUEN 於 18/2/2018 02:22 發表


我記得之前有過消息,指暗榮間公間真係賺左唔少。
多到使錢去哂廣告同塞錢俾人……呢d野一d都唔出奇丫。

明明惡評連連,但平均分竟然都6至7分,
難怪外國有咁多玩家即刻留意去質疑媒體既評分。

或者咁講,大家都見到竟然 ...
暗榮梗係賺唔少啦,人地係日本係上市控股公司,詛咒果邊股市跌跌撚死佢

上年暗榮賺左6億左右純利嘛(港紙),火炎之紋章無雙好賣,家用機game暢銷,之前睇日本d game網睇到,暗榮年年都賺既






回覆 引用 TOP

引用:
原帖由 SIUKUEN 於 18/2/2018 02:27 發表


作為一個俾微既玩家,唔望暗榮再跌多鋪勁既,仲可以點?
依家真三八評價已經完全比得上真三五,甚至有過之而無不及……
剩返既就係,真三八後續既銷量如何?
照依家各界的批評,真三八既銷量有好大機會係後勁不繼……

當評價同 ...
戰國無雙5我都驚緊呀,陣間又話open world同新招式系統我真係唔玩呀

不過暗榮整番自己國家既野會用心好多,永遠都係戰國好過三國,但我印象中暗榮係習慣三國無雙出完猛將傳先出新一代戰國無雙,8代咁睇佢點出猛將傳?仲敢出既我只可以佩服,佩服到五體投地添,但我唔會同佢癲喇




回覆 引用 TOP

引用:
原帖由 滿月新月 於 2018-2-17 10:45 PM 發表
隻無雙stars既自己友真係太易死,又太快叫救命同叫得好頻密,真係好煩,唔理又極速死左,呢隻真係你唔講我都唔記得左自己玩過 真ending有一關仲要你唔用3隻主角狗係一定過唔到關,因為佢地會叫救命叫得多而死,俾人鬧死左隻game,之後出update緩和左,但都係成日叫救命,只係襟捱左,無咁易死

所以話真三國無雙最正都係2,4,7代,2代曹操C6斬中哂5下就勁,果陣無得係攻擊中自由改變方向,好難中哂5下,所以果陣我最愛用張郃,個frd最愛用陸遜,兩個拍住打修羅,勁爽,間中玩野我用小喬,個frd用女媧,果陣小喬第4武器都係斬屬性,真係O嘴,又係同曹操一樣C6斬屬性,中哂仲勁過曹操,不過當年黎計係幾乎無可能中哂

2代d箭真係經典,果集真係寧得罪呂布,都莫得罪弓兵,果集合肥新城真係打死都唔行中間條"死亡橋",寧願兜超遠過對面,一行中間條橋就引發event,成關都充滿弓兵

以前第2代係我玩得最開心既一集,AI勁,又考技術,果陣d武將擋緊果陣會有一下彈開你,搞到你打空氣,跟住你唔收招既,就實俾人打到豬頭,所以打贏個武將真係好有成功感,就算打贏個無樣武將都好開心,紅血唔夠打就走佬儲無雙,儲滿埋去出,出完又走佬儲無雙 果陣打到幾鬼刺激,真係好緊張,而家?已經唔知幾多代未試過紅血喇,仲要正如你話齋,果陣打到個武將少過3分1血之後就唔可以打到佢訓係地,唔係佢起番身就加血加能力,以前打到咁上下,就一招C5了結佢,果陣C5個個都係打上天再追打,唔撳多下三角就繼續正方駁招,果陣無空中受身,可以咁屈死武將,同屈+8道具,多過24hit定32hit先俾佢跌落地,唔記得左,唔記得邊關又可以遠距離屈儲力箭屈死劉備

以前無斬屬性一定打唔贏修羅,因為得斬屬性先可以破擋,唔好話咩啦,以前見到呂布或者關羽真係會驚,又紅又金走過黎,虎牢關個呂布真係癲,而家?就算第一次見,無升過能力都夠膽埋去打呂布囉,仲要真係打得贏,6,7,8代我都親身試過,最多磨耐d既姐,8代就超易殺,因為個9衝系統同finish技

4代都正呀,果陣乜都唔知,張郃又無2代咁勁,因為果集改左只得一下攻擊會有屬性發動,加上果集覺得大喬幾靚,一黎就用大喬喇,用完返唔到轉頭,4代大喬大勁,我敢講4代最勁係佢,無收招時間,咩武將都可以輕鬆駁招屈死,攻擊又大部份時間都係轉圈全範圍攻擊,唔洗驚俾卒仔橫刀偷襲

仲有以前d無雙唔止武將勁,連卒仔都好勁,幾主動係你背後斬你,甚至係偷襲到你覺得煩,因為永遠係你背後斬窒你,果陣真係好憎d卒仔,所以殺武將前永遠都係清哂周圍d卒仔先,如果唔係d卒仔同武將連攜,你就bye bye喇

總之而家d無雙無哂刺激感,無哂味道,8代簡直唔係無雙

總之隻無雙明星大亂鬥玩到人好火,有理冇理都係自己友求救,見到據點兵心郁郁想打埋先呀,唔得架,總之乜嘢都要自己打晒,隻遊戲又冇馬騎又冇雙打,法米通仲話隻遊戲係白金殿堂!?!?!?無雙之中其中一隻垃圾實有呢隻份...隻遊戲居然有更新?太耐冇打亦都冇興趣再玩...

其實無雙2曹操招五連斬係有得改變方向架,方法係頭五下揮空刀,之後對電腦任何武將角色都扣到八成血,然後再補多幾刀就搞掂...張姐姐招c6都好勁,成個正前方掃晒,不過收招慢好易被電腦補刀...陸遜招c4都係出得慢,不過裝咗真空書之後個問題就唔係咁大,小喬招c6個範圍好難掌握好難打中人,不過打中就...2代只可以將道具升一級,唔可以好似初代咁升到最大,不過遊戲系統出得好玩所以冇乜問題.

其實正傳根本可以加埋猛將傳啲內容,以前要玩晒要先開猛將傳再讀2代碟真係幾麻煩...啲弓箭兵真係好強,呂布就算以為著晒黑氣都唔夠啲弓箭兵咁恐怖啫...講起上嚟係2代先有擋格中彈開對手嘅系統,不過對住啲有斬屬性嘅武將係冇乜意義...其實以前機能比而家弱咁多都可以出到咁好玩,而家機能咁強反而有幾多問題實在唔明點解...

4代小弟用得最多係呂布,左慈同魏延,呂布c3超勁,左慈c4霸道,同魏延招c3轉轉轉好好玩,斬屬性被減弱好多所以轉咗玩炎,吊住對手喺半空中打啲血扣得勁快.頭4代啲兵都係喺玩家收招嗰陣攻擊,都唔知比而家啲無雙醒幾多,相信玩家鍾意打啲會主動攻擊嘅兵多於打啲企定定嘅士兵掛,之前戰國basara呢點輸比無雙,而家唔知...

見到今代個咩觸法系統,按三角就可以秒咗個武將算係咩系統,製作人都唔知有冇試玩過隻遊戲...

回覆 引用 TOP

[隱藏]
引用:
原帖由 SIUKUEN 於 2018-2-17 09:31 PM 發表


係,咪證明決定發售日期前,暗榮究竟有幾用心去整呢隻八代?
幀數水平、bug既數量……全部都遠遠低於合格水平!
咁都可以照出……

如果今次八代這個黑歷史,個過程要好似五代咁,仲要經歷多個六代另一隻垃圾既話,
真係………要等到真三十。咁既話,暗榮真係執左佢啦!
(幾有水都好,個招牌已經臭到無人有……日本個邊好多玩家都好憎呢間野。)

真三四真係公認既神作!係呢個真三系列評價最好、最完整既一集。
剩係個OP片,已經遠勝!相隔咁多年,唔使翻睇我都仲好記得……
一開始由石化變返做當代,趙雲一敵千……最後對曹
(八代個OP,係最垃圾!完全唔知想點……
同樣係黑歷史既五代,條OP反而係整隻game最有水準既野!真係夠哂諷刺!
趙雲水上飄、貂蟬拉二胡……好野就會令人留下深印象。

真三五,正如上面所講,條OP片係整隻game最高質既野。
之後就係畫面既優化唔錯、臨場感夠好。其餘既,全部都係垃圾。

真三六,係第一隻令我玩到試過瞓著既一代。
同五代一樣,大量重覆模組!畫面優化亦好差,搞到長期畫面都好暗!人物又搽左油咁。

真三七係繼四代之後,唯一較好同較完整既一作!
全獨立模組、有IF線等,單單呢兩樣,已經遠勝五、六、八代。


真北斗無雙系列,我無玩。我記得game評,其中缺點係欠耐玩度吧?
同埋又係鬼城世界。
但正如你所講,難度極高有挑戰性。
海賊無雙3,真係角色平衡度差。呢兩條系列既熱潮亦好快過……。
簡單黎講,又係暗榮一貫既「即食game」。特點係,食用期好快過…。

以往無雙幾唔好玩都好都唔會有唔流暢呢個問題,
而家機能愈嚟愈強反而有咁多奇怪嘅問題,
真係唔知而家啲廠商用咩心態出遊戲...

雖然呢集出得咁差,但係光榮有心求變呢點大家都明白嘅,
但係都唔可以出得空殼嚟比我哋啲玩家架麻...
呢集真係未見過有人話好玩,
一隻有bug,連基本爆機都唔得嘅遊戲搵咩人玩呢...

4代個op最記得趙雲夾住個士兵轉,打到上天下海...
雖然個流程基本上個個都係一樣,但係過關會有武將嘅獨白講對該場戰爭嘅感想,
令到成隻遊戲個戲味好重容易令到玩家投入,以國為主個個都一樣嘅,角色再多都係冇用嘅...

5代最少都有好嘅改變,地形變化,戰略據點都睇得出有落心機,可惜缺點比優點大變成一隻黑歷史...

6代叫新增連線模式,可惜重複模組同成隻遊戲顏色偏黃令人睇得唔舒服,DLC版好無聊,不過多咗連線玩小弟都勉強接受嘅...

7代如果多番啲武將個人列傳,好似4代咁就完美喇,不過故事多咗晉其實將個故事長度增加咗唔少,聽各位講而家出現啲人玩番七代嘅情況都唔知比咩反應好...

北斗無雙1代好玩過2代,1代有啲對白真係好抵死,阿米巴大叫:積奇,你才是真正的北斗神拳繼承人,小弟真係笑咗出嚟~玩得呢隻都係想有漫畫嗰種感覺,1代比人話動作太慢,小弟覺得真係唔慢,最少比芒亨快上唔知幾多...
2代係改善咗速度,但係好多嘢變得單一化,按x做閃避扣少少無雙作全身無敵閃避呢個玩法好腦殘,就算動作比1代快上好多都彌補唔到個腦殘玩法...海賊又係有按x閃避個系統,不過隻遊戲速度好快所以根本唔會用呢個系統去閃避囉...
引用:
原帖由 sddabcjkl08 於 2018-2-17 11:30 PM 發表
DH無雙系列 世界之樹有冇過玩
由RPG改成無雙系列這隻ok啦[除左地圖唔大外]
薩爾達點都唔會差過佢

冇玩過呀,
其實小弟喺switch先第一次玩薩爾達,
覺得隻遊戲屬於偏難玩嗰類,
孖寶奧德賽就係偏易玩嗰類.
引用:
原帖由 elliottlai 於 2018-2-17 11:47 PM 發表
我諗我都算係其中一個死忠粉絲。。。因為明明睇咁多game評,都幾乎未見過有人讚過,而我亦自己睇過好多片,都覺得唔係咁掂,都同自己講,算啦,忍下手唔好買,但個心又心思思想去買,終於明知不可為但仍然為之。。。買左,玩左一陣,淨係 ...

等睇閣下嘅玩後感~

[ 本帖最後由 benny200711 於 2018-2-18 02:23 PM 編輯 ]

回覆 引用 TOP

我已買左真三七with猛將傳玩,見205幾抵
IOS BFB:  獨角獸明星隊 / 270536494, 小號: 拿玻里 / 729489729

回覆 引用 TOP

其實D 支線可以加少少劇情, 唔再係無腦跑腿任已經好玩好多.
例如幫村民清左山賊, 之後再去條村會見到多左商人出入條村賣野等, 唔使太多資源, 加少少心思已可令玩家投入個世界度...

但暗榮永遠只係磨玩家時間的跑腿任, 如似三國志13, 每個武將既絆任務都係搵傳說仙酒, D 傳說仙酒仲普及過可樂...

回覆 引用 TOP

引用:
原帖由 benny200711 於 2018-2-18 02:15 PM 發表

以往無雙幾唔好玩都好都唔會有唔流暢呢個問題,
而家機能愈嚟愈強反而有咁多奇怪嘅問題,
真係唔知而家啲廠商用咩心態出遊戲...

雖然呢集出得咁差,但係光榮有心求變呢點大家都明白嘅,
但係都唔可以出得空殼嚟比我哋 ...
玩後感?唔洗啦,我只係好似啲吸毒者咁,上左隱忍唔到所以買啫,但我依然會用一個反思維方式,去嘗試享受可以享受嘅部分咁囉




回覆 引用 TOP

引用:
原帖由 benny200711 於 18/2/2018 13:55 發表

總之隻無雙明星大亂鬥玩到人好火,有理冇理都係自己友求救,見到據點兵心郁郁想打埋先呀,唔得架,總之乜嘢都要自己打晒,隻遊戲又冇馬騎又冇雙打,法米通仲話隻遊戲係白金殿堂!?!?!?無雙之中其中一隻垃圾實有呢隻份... ...
個人都想佢加番護衛兵系統,以前升黃龍護衛兵同幫d護衛兵拎最強武器真係好過癮,劍係周瑜果把,槍係趙雲果把,好似叫咩護衛龍膽,劍好似叫護衛古錠刀,都係果個角色既最強武器黎,仲記得果陣司馬懿果把第5武器叫窮鬼羽扇,我同個frd都笑左出黎 睇住d護衛兵好主動幫手打真係好爽,8個追住個武將打,正

想當年d女護衛兵當中既鮑三娘,關銀屏,呂玲綺,蔡文姬,王元姬已經係有樣既武將,但仲有吳國汰,馬雲祿呢d仲未有樣,淨低果個好似係孫魯班,加番護衛兵系統就正喇

或者可以自創武將都好,唔明點解戰國無雙果邊正傳都可以自創武將,但三國無雙呢邊而家得empires先可以自創武將,好似得4代先可以自創武將,唉...日本人整番日本野係有心d

回覆 引用 TOP

[隱藏]
引用:
原帖由 benny200711 於 17/2/2018 18:00 發表

https://www.youtube.com/watch?v=QTk4i3uVqvk&t=5s
呢隻game原來個名叫真勾繩無雙先啱,
小弟第一次唔想買無雙...
以為之前隻無雙明星大亂鬥廢啦,
點知呢隻可以睇到其他人評論都已經唔想買... ...
無聊睇過條評論片,我覺得個評論麻麻,集中講畫面,bug,劇情,勾牆,但無點提過個9衝系統點垃圾,對我黎講個9衝系統先係最大問題,因為直接影響你玩

佢話隻game多bug咩?我玩到白金埋,過百小時,淨係試過一次武將個貼圖爆開哂遮住畫面,除此之外就無中過bug,中bug都要睇彩數,唔係你想中就中,佢條片尊登去埋d窿窿罅罅,係度左攝右攝,咁梗係中bug啦,但正常咁玩根本唔會中果d bug,衝城車上左城頂我都未試過,老老實實,條片入面果d所謂既bug根本全部唔影響你既遊玩過程,對我黎講只要唔會hang機,整死save既,我都唔會在意,但感覺條片就執著呢d濕碎bug係度放大個問題,乜呢d完全唔影響你既遊玩過程既bug真係咁重要咩?同埋佢話d武將整得靚,我真係無野好講

佢反而無點講9衝系統,同埋有d影響你打既問題,例如接近有樣武將會zoom近佢個樣影響你駁招啦,有時有d任務會有event,就算你去左第二度打緊都好,佢都會強行load番你返去果度睇event,真係第一次,果陣我都呆左,心諗乜咁都得呀?另外歷代問題,武將太多口水,阻住流程,我覺得呢d仲大問題,但條片無提過...

回覆 引用 TOP



伸延閱讀
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!