Uwants TV消閒生活手機討論遊戲地帶影視娛樂校園生活數碼科技寵物樂園學術文化體育世界購物廣場時事投資貼圖影片上班一族美容纖體戀愛婚姻汽車討論成人資訊博彩娛樂資源交流站務管理
發帖
註冊 登入/註冊 微博



追帖 打印

[玩後感] 有 FD 必玩!只限雙打逃獄遊戲《A Way Out》玩後感




有 FD 必玩!只限雙打逃獄遊戲《A Way Out》玩後感

[隱藏]


《A Way Out》一公佈已經引黎好多人注意,主要係因為只限雙打,兩者互相合作逃獄呢個創新玩法。隻 game 上星期五終於出左,究竟係咪真係咁正?

https://www.youtube.com/watch?v=SSNbluZEDrs

畫面質素唔錯,有新嘗試
睇返預告或試玩片都知呢隻 game 畫面雖然唔算好突出,但其實都算唔錯。尤其是長期分割畫面代表要同時運算兩個畫面,對機體需求更大,都出到呢種畫面確實算係咁。



雖然一路標榜都係逃獄,但係其實唔係成隻 game 我監獄一個場景。之後各種各樣場景都整得幾精細,畫面唔會由頭到尾陰陰沈沈睇到悶。



A Way Out 畫面一大特別當然係分割兩邊,做法同傳統分割畫面雙打遊戲唔同。並唔係成隻都左右斬一半,而係會視乎進行活動、劇情即時改變比例。例如其中一個人展開槍戰,佢果邊畫面就可能會拉長。呢個獨特分割畫面分式令遊戲更有趣、更有電影感。



二人合作玩唔係噱頭
呢隻 game 最大賣點就係只限雙打,而且強調兩人必須合作無間。我可以話比大家聽,玩法的確唔係各自打同一隻 game,真係要喺現實中溝通合作。如果同你玩果個係 fd,一定會有好多平時單機冇嘅樂趣。




亦因為二人合作,平時喺其他 game 平平無奇嘅野,喺呢度都變得緊張過癮。例如一人負責偷野,另一人負責引開獄警,其中一人失誤成件事就會失敗。又有唔少位係要兩人得出共識,揀同一個選擇,令玩家可以有好多交流。如果其中一個係「玩野」fd,仲有好多空間比佢發揮,會好多笑料。






大部分遊戲都係依靠一兩個核心系統,延伸出一套玩法,然後成隻 game 就係玩果樣野。例如槍 game 成隻都係玩射擊;Uncharted 就係玩爬牆 + 射擊 + 解謎。但 A Way Out 就岩岩相反,嘗試將好多種唔同元素放哂喺一隻入面。除左潛行、動作、射擊之外,仲有大量唔同玩法 mini-game 系統。例如好多物件都可以互動有野玩,有時甚至會變成 pvp。雖然咁樣每個玩法嘅系統唔夠一般遊戲咁深入,但當中唔少都幾聰明。多種玩法亦可以保持新鮮感,你唔會知跟住又玩咩。

**再提一提 A Way Out 可以單機雙打,亦可以連線雙打。就算連線雙打都只需要其中一個買 game,就可以免費邀請另一個人入黎一齊玩哂成隻 game。



故事尚算可以,部分人可能會覺得太多片
雖然故事一開始係講逃獄,但其實呢 part 只係佔頭一兩大篇章,而唔係成隻遊戲。逃獄之後發生嘅事,以至一路處理埋佢地之所以會收監嘅原因。成個故事其實好重電影感,劇情走向亦會係呢類電影嘅套路,不過個結局的確係幾妙,值得玩到最尾 (劇透就會破壞哂)。

但係你預左呢隻 game 唔會有一般遊戲咁長,所以價錢都平 d。不過電影感重嘅其中一個原因係劇情片段都幾多下,如果對故事冇興趣嘅可能會覺得太多片。

https://www.youtube.com/watch?v=_ApSmPvxz1o

總結
依家雙打遊戲買少見少,A Way Out 唔只有雙打,仲係 100% 專為雙打而設計嘅遊戲。支持雙打已經值得一讚,而且有好多新 idea 黎雙打,以前真係冇玩過類似一隻咁嘅遊戲。雖然玩法方面唔夠其他遊戲深入,但因為係兩個人就可以令原本普通嘅野都變得有趣。就算你覺得故事平凡,但喺現實中同朋友玩嘅過程先係最深刻。如果揾到 fd 一齊玩,呢隻真係好值得一試!
 
 

回覆 引用 TOP

一個人玩得唔得





回覆 引用 TOP

引用:
原帖由 danfengsun 於 2018-3-27 06:56 PM 發表
一個人玩得唔得?


no




回覆 引用 TOP

一個人用2個手制就可以玩...xd





回覆 引用 TOP

[隱藏]
pan chowpig

回覆 引用 TOP

尋日買咗
我覺得似成人版嘅lego系列
都係互相合作過關






回覆 引用 TOP

好正,要買





回覆 引用 TOP

引用:
原帖由 Koyuki_Chimoto 於 2018-3-28 01:21 PM 發表
好正,要買
我同你玩




その日にいつも暗黒の中で光明が離れることができました!!!!!
愛死天流  走死走愛

關於武術和靈異,可以找我解答

回覆 引用 TOP

引用:
原帖由 守護聖天 於 2018-3-28 01:52 PM 發表

我同你玩
可以連機?

回覆 引用 TOP

[隱藏]
引用:
原帖由 Koyuki_Chimoto 於 2018-3-28 04:28 PM 發表

可以連機?
有呀,如果無就係你隔離玩,最緊要你開心
その日にいつも暗黒の中で光明が離れることができました!!!!!
愛死天流  走死走愛

關於武術和靈異,可以找我解答

回覆 引用 TOP

我見得英文版,需要睇好多英文嗎?

回覆 引用 TOP

引用:
原帖由 ykl0625 於 2018-3-28 08:33 PM 發表
我見得英文版,需要睇好多英文嗎?


好簡單的英文

回覆 引用 TOP

回覆 12#  hako 的帖子

i go to school by bus




回覆 引用 TOP

我好想買, 但周圍都見不到實體版, 請問各位師兄, 邊到可買到實體版? 謝謝!

回覆 引用 TOP

[隱藏]
有冇人一齊玩呀。。。。。。。。。。。。。。。。。。。。。。。。。。。。。

回覆 引用 TOP



伸延閱讀
 20 12
 提示:支持鍵盤翻頁 ←左 右→ 發新話題發佈投票
請先登入
小貼士:
依家可以用“@”tag會員啦!